‘நெஃபர்டரி’ங்கறது ஒரு அழகிய எகிப்திய அரசியோட பேர்! போன வாரம் ரிலீசான படம் ‘பச்சை என்கிற காத்து’. சும்மா சொல்லக்கூடாது. இந்த மண்ணில எங்கோ நடந்த கதையை உயிரோவியமா கொடுத்திருந்தார் டைரக்டர் கீரா. கேள்விப்பட்ட பெயர், மண் வாசனைக் கதை, இடைவேளைக்கு ‘புற வேளை’ன்னு கார்டு போட்டது, ஹீரோவோட பெயர் வாசகர், ஹீரோயினோட பெயர் தேவதைன்னு இருந்ததெல்லாம் ஏதோ செய்தி சொல்ல... படம் முடிஞ்சு கீரா கிட்ட பேசினேன். ‘‘விவசாயக் குடும்பத்துல பிறந்தவன். சிறுகதைகள் எழுதியிருக்கேன். அதைப் படிச்சுட்டு தங்கர் பச்சான் என்னை உதவியாளரா சேத்துக்கிட்டார். நான் இயக்கிய ‘தமிழு’ குறும்படம் மூணு விருதுகள் வாங்கிச்சு. கிடைச்ச வாய்ப்பை வச்சு செய்த படம்தான் இது...’’ன்னார். ‘‘ஹீரோ வாசகர் யார்ங்க... அசத்தியிருக்காரே?’’ன்னா, ‘‘அவர் நடிகர் இல்லை. அசிஸ்டன்ட் டைரக்டர். கதை விவாதத்தப்ப அவர் பேசிய உடல்மொழியை கவனிச்சு அவரையே நடிக்க வச்சேன். தேவதை மட்டும் கேரள வரவு...’’ன்னார். ‘‘படத்தோட பிரசன்டேஷன் ஒரு ஆவணப்படம் போல இருந்ததுதான் ஒரே குறை...’’ன்னதை ஒத்துக்கிட்டவர், ‘‘பல சிரமங்களுக்கு இடையில ரிலீஸ் பண்ணினோம். இன்னும் வசதிகள் கிடைக்கும்போது இதுல இருக்கிற குறைகளை நேர் பண்ணமுடியும்...’’னார். சுத்தத் தமிழிலேயே பேசற கீராவுக்கு ஆங்கிலம் மேல அத்தனை வெறுப்பு. ஒரு வார்த்தை கூட இங்கிலீஷ்ல பேசவோ படிக்கவோ மாட்டாராம். வந்தனம் ஐயா..!