கலர் கலராய் அவதாரமெடுக்கும் பூஞ்சை நோய்கள்!

கொரோனா பெருந்தொற்று உலகையே அச்சுறுத்தி வரும் நிலையில் அதிலிருந்து போராடி மீண்டு வரும் நோயாளிகளை கலர் கலரான பூஞ்சை நோய் தாக்கி வருகிறது. அரிதான ஆனால் ஆபத்தான பூஞ்சை தொற்றுநோயான மியூகோமைகோசிஸ் இந்தியாவில் அதிகரித்து வரும் நிலையில், தமிழகத்தில் கருப்பு பூஞ்சை நோயை, தொற்று நோயாக அறிவித்துள்ளனர். பேராசிரியர் மருத்துவர் முரளிதரன், மியூகோமைகோசிஸ்  நோயின் தாக்கம், அறிகுறிகள், சிகிச்சை குறித்த தகவல்களை நம்மிடம் பகிர்கிறார்.

தடுப்பு சக்தி குறைவாக இருப்பவர்களையே இந்த நோய் தாக்குகிறது. கொரோனா தொற்றில் பாதிக்கப்பட்டு போராடி தப்பியவர்கள், கொரோனா போய்விட்டது என அஜாக்கிரதையாக இருக்கக் கூடாது. கொரோனா தொற்று பாதித்தவர்களுக்கு எதிர்ப்புச் சக்தி குறைவாக இருக்கும். அவர்கள் கொரோனாவிலிருந்து குணமடைந்தாலும், தங்கள் எதிர்ப்புச் சக்தியை மீண்டும் அதிகரிக்கும் போதுதான் முழுமையாக குணமடைகிறார்கள்.