கொடைக்கானல் என்றதும் அதன் நீண்ட பனி படர்ந்த மலை மற்றும் பசுமையான இயற்கை சூழல் தான் நம் நினைவுக்கு வரும். ஆனால் கொடைக்கானலுக்கு மற்றொரு அடையாளம் உள்ளது. அது பழங்குடியினர் தயாரிக்கும் சுத்தமான தேன்.

இவர்களைப் பற்றி ஆவணப் படம் எடுக்க சென்ற இரண்டு பெண்கள் தற்போது, தொழில் முனைவோராக மாறியுள்ளனர். ‘Hoopoe on a Hill’ என்ற பெயரில் இந்தியா முழுதும் இயற்கை தேனை விற்பனை செய்து வரும் நிஷிதா வசந்த் மற்றும் பிரியாஸ்ரீ மணி, தங்களின் பயணம் குறித்து பகிர்ந்து கொள்கிறார்கள்.‘‘நாங்க இருவரும் பெங்களூரை சேர்ந்தவர்கள்’’ என்று பேசத் துவங்கினார் நிஷிதா.

இண்டியன் நேஷனல்  ட்ரஸ்ட் ஃபார் ஆர்ட் அண்ட் கல்ச்சர் ஹெரிடேஜ் (INTACH) என்கிற அரசு சாரா  நிறுவனத்தில் பணிபுரிந்து வந்தோம். எங்க நிறுவனம் சார்பாக 2015ம் ஆண்டு பழனி மலையில் உள்ள கிராமத்தில் வசிக்கும் ஆதிவாசியினரின் வாழ்க்கை முறை மற்றும் வாழ்வாதாரம் குறித்து ஒரு ஆவணப்படம் தயாரிக்க சென்றோம்.

அங்க சென்ற போது தான் அவர்களின் பாரம்பரிய முறையில் தேனினை அறுவடை செய்வதைப் பற்றி தெரிந்துகொள்ள வாய்ப்பு கிடைச்சது. அதைப் பற்றி கேட்ட போது ரொம்பவே ஆச்சரியமா இருந்தது. அது தான் எங்களின் ஸ்டார்ட் அப் நிறுவனம் ஆரம்பிக்க ஒரு காரணமாக அமைந்ததுன்னு சொல்லலாம்’’ என்றவரை தொடர்ந்தார் பிரியாஸ்ரீ.

அதிலும் அதன் வேர் பகுதியினை அவர்கள் அப்படியே விட்டுவிடுவார்கள். இதன் மூலம் தேனீக்கள் அங்கு வந்து மறுபடியும் தேன் கூட்டினை கட்ட ஆரம்பிக்கும். சேமிக்கப்பட்ட தேனில் உள்ள அசுத்தங்கள் மஸ்லின் துணியில் மூன்று முதல் நான்கு  முறை வடிகட்டப்படும். பிறகு பெரிய கேன்களில் சேமிக்கப்பட்டு கண்ணாடி பாட்டில்களில் மாற்றப்படுகிறது.

500 கிராம் தேன் 450  ரூபாய்க்கும் 300 கிராம் தேன் 290 ரூபாய்க்கும் விற்கப்படுகிறது. குறிப்பாக சீசன் காலத்தில் நிறைய தேன்களை அறுவடை செய்யும் இவர்கள் அதை விற்பதன் மூலம் கணிசமான தொகையினை பெறுகிறார்கள். அதைக் கொண்டு குழந்தைகளின் பள்ளிக் கட்டணம், கடன் மற்றும் கல்யாணம் போன்றவற்றுக்கு செலவு செய்கிறார்கள்’’ என்று கூறும் இவர்கள் இருவரும் இப்போது கொடைக்கானலில் செட்டிலாகிவிட்டனர்.