அன்றொரு நாளில் பண்டமாற்று முறையில் பொருள்கள் விற்கப்பட்டன. காலப்போக்கில் பல்வேறு மாற்றங்களைக் கடந்து மளிகைக் கடைகள், சூப்பர் மார்க்கெட் என வியாபார முறைகள் மாறின. இன்றைக்கு உள்ளங்கையில் உலகம் வந்துவிட்டதால் ஆன்லைன் வர்த்தகம் நடைபெற்றுக் கொண்டிருக்கிறது. நாம் விரும்பிய பொருள்களை ஆர்டர் செய்தால் குறிப்பிட்ட நாளில் வீடு தேடி வரும்.

அப்படி வரும் பொருட்களுக்கு முன்கூட்டியே பணம் செலுத்தும் முறையும், வந்த பிறகு பணம் செலுத்தும் முறையும் உள்ளது. மிகவும் எளிமையாக்கப்பட்ட இந்த வர்த்தகத்தில் இடைத்தரகர்களுக்கு இடமில்லை. செய்கூலி, சேதாரம் இல்லாமல் உரிய பொருளை மக்கள் பெறுவதுடன் அலைந்து திரிந்து வாங்க வேண்டிய அவசியமில்லாததால் மக்களுக்கு இதில் இரட்டிப்பு மகிழ்ச்சி.

அங்கே  சிலர், அரை சர்க்கரை போடுங்கள் என்று சொல்வதை நாம் கேட்டிருப்போம். சர்க்கரை நோய்க்கு வெள்ளைச் சர்க்கரை முக்கிய எதிரி என்பது நம் அனைவருக்கும் தெரியும். அந்த உண்மை தெரிந்தும்கூட சர்க்கரை நோயாளிகள் உள்பட எல்லோருமே அவற்றைத்தான் உண்கிறோம். நமது அன்றாட உணவில் டீ மட்டுமல்லாது பல்வேறு உணவுப்பொருள்களின் வழியாகவும் இந்த வெள்ளைச் சர்க்கரை நம் உடலுக்குள் சென்றடைகிறது.

வெள்ளைச் சர்க்கரை கொதிக்கும்போது பல வேதியியல் அமிலங்களைச் சுரக்கும். அதில் ஒன்றான லாக்டிக் அமிலம் சுரப்பதால் அது பல் அரிப்பு மற்றும் பல் சிதைவை ஏற்படுத்தும். ஆனால், சீனித்துளசியில் உள்ள இனிப்பில் லாக்டிக் அமிலம் உற்பத்தியாவதில்லை. ஆகவே, சீனித்துளசி கலந்த டீ அருந்துவதால் பல் அரிப்பு மற்றும் பல் சிதைவு ஏற்படாததுடன் நல்லதொரு ஆரோக்கியமான எதிர்காலத்துக்கு வித்திடும்.

மக்களுக்கு நல்லது செய்யும் அதேவேளையில், வீட்டிலிருந்தபடியே தொழில் செய்ய ஆர்வமுள்ளவர்கள் இந்த ஆன்லைன் வர்த்தகத்தில் உங்களை இணைத்துக் கொள்ளலாம். இதில் நீங்கள் செய்யும் முதலீட்டின் மூலம் மாதந்தோறும் நிரந்தர வருமானம் கிடைக்கும். இந்த வர்த்தகத்தில் கோடிக்கணக்கில் பணத்தைக் கொட்ட வேண்டிய அவசியமில்லை.

15 ஆயிரத்தில் தொடங்கி அதிகபட்சமாக 5 லட்சம் வரை முதலீடு செய்து உங்கள் தொழிலை செய்யலாம். கொரோனா வைரஸ் மற்றும் இந்த ஊரடங்கு காலத்தில் சிறு தொழில் நிறுவனங்கள்கூட ஆன்லைன்  வர்த்தகத்தில் தங்களை இணைத்துக் கொண்டு வருகின்றன. ஆகவே, இந்தச் சூழல் பணம் சம்பாதிக்கும் ஆர்வமுள்ளவர்களுக்கு நல்லதொரு எதிர்காலத்தை அமைத்துக் கொடுத்திருக்கிறது’’ என்றார் அருணா.