ஸ்ரீதியாகராஜ ஸ்வாமி திருக்கோயில்
ராஜகோபுர தரிசனம்!
இத்தலம் பத்தாம் நூற்றாண்டை சேர்ந்த பழமையான கோவில். திருவாரூர், தமிழ்நாட்டின் முக்கியமான பழமையான புனிதத் தலங்களில் ஒன்றாகும். இங்கு அமைந்துள்ள ஸ்ரீதியாகராஜர் ஆலயம் சைவ சமயத்தில் மிகப்பெரிய முக்கியத்துவம் பெற்றது. இதன் வரலாறு சங்க காலம் முதல் தொடர்ந்து வளர்ச்சியடைந்து வந்ததாகக் கூறப்படுகிறது. இக்கோவில் 7-ஆம் நூற்றாண்டு காலத்திலேயே பரவலாக புகழ் பெற்றிருந்தது என்பதற்கான ஆதாரங்கள் உள்ளன.
நாயன்மார்களான அப்பர், சுந்தரர், சம்பந்தர் இக்கோவிலைப் புகழ்ந்து பாடியுள்ளனர். 13ம் நூற்றாண்டுகளில் ஆண்ட சோழப் பேரரசர்கள் இக்கோவிலை விரிவுபடுத்தியுள்ளனர். இக்கோயில் பஞ்ச காசி தலங்களில் ஒன்றாகும். சோழர் காலத்தில் இக்கோயில் கட்டப்பட்டதால், தலத்தின் சிற்பக்கலையில் சோழர் ஆட்சியின் சிறப்புகளை காணலாம்.  திருக்கோயில் முதல் நூற்றாண்டில் சங்க காலமாகவும் 12ம் நூற்றாண்டு வரை சோழர்களால் பராமரிக்கப்பட்டு, பிறகு 18ம் நூற்றாண்டு வரை நாயக்கர்கள் மற்றும் மராட்டியர்கள் இதனை மேம்பாடு செய்துள்ளனர். தற்போது அரசு இதன் பராமரிப்பினை ஏற்றுக் கொண்டுள்ளது. ஆன்மிகத் தளத்தில் ஆழ்ந்த பக்தியை ஏற்படுத்தும் தலமாகவும் விளங்குகிறது.
திருவாரூர் கோயிலின் கோபுரங்களின் உருவாக்கம், சிற்ப அழகுடன் திகழ்வது தான் அதன் முக்கிய சிறப்பம்சம். திருவாரூர் கோயிலில் ஒன்பது கோபுரங்கள் உள்ளன. அதில் முக்கியமானது ராஜகோபுரம்.
118 அடி உயரம் கொண்ட இக்கோபுரம் ஏழு நிலையை கொண்டது. இரண்டாவது கருவறைக்கு அருகில் உள்ள பக்ரீ கோபுரம். அம்மன் சந்நதி அருகே இருப்பது திருக்கமலக்கோட்டம் கோபுரம், அதனைத் தொடர்ந்து அன்னதான கோபுரம், கிழக்கு கோபுரம், மேற்கு கோபுரம், வடக்கு கோபுரம், தெற்கு கோபுரம், கிரிவேதி கோபுரம் என இங்கு ஒன்பது கோபுரங்கள் உள்ளன.
கோயிலின் முக்கிய கோபுரமான ராஜகோபுரம் 118 அடி உயரத்தில் ஏழு நிலைகளில் அமைக்கப்பட்டுள்ளது. ஒவ்வொரு நிலையிலும் சோழர் மற்றும் பல்லவர் கால சிற்பங்களின் தொகுப்புகளை காணலாம். அதில் மிகவும் முக்கியமானவை சிவனின் திருவிளையாடல்கள், தேவர்கள், கந்தர்வர்கள், யோகிகள், திருவாரூர் புராணத்தைக் கூறும் காட்சிகள், தியாகராஜர் தேவாரர், வீரபத்திரர், விநாயகர், அறுபத்துமூவர் நாயன்மார்கள் சிற்பங்கள் இடம் பெற்றுள்ளன.
கோபுரங்களில் இடம்பெற்றுள்ள சிற்பங்கள் ஒவ்வொன்றும் கலைநயத்துடன் அமைக்கப்பட்டுள்ளது. இதில் உள்ள சிவன், பார்வதி, முருகன், விநாயகர் ஆகியோரை முக்கணடியில் காணலாம். சில சிற்பங்களில் சிவன் நடனம் ஆடுவதுபோல் வடிவமைக்கப்பட்டுள்ளது.
பல்லவர் மற்றும் சோழர் காலத்தின் சிற்பக் கோட்பாடுகள் மிக அழகாக கோபுரத்தில் அமைந்துள்ளன. இதில் சிற்பங்கள் முக்கோண வடிவில் அமைக்கப்பட்டுள்ளதால், அதனை ஒவ்வொரு கோணத்திலிருந்தும் பார்த்து அதன் அழகினை ரசிக்க முடியும். மிக விரிவான பதிப்புகள் மற்றும் சிறுகுறுகிய ஓவியங்களும் இங்குள்ளன. கோபுரத்தின் ஒவ்வொரு நிலையும் ஒரு கதையை கூறும் வகையில் அங்கு சிற்பங்கள் அமைக்கப்பட்டுள்ளது.
ராஜகோபுரத்தை தொடர்ந்து திருக்கமலக்கோட்டம் கோபுரம் தியாகராஜர் அம்மன் சந்நதிக்காகவே அழகாக அமைக்கப்பட்டுள்ளது. வடக்கு, தெற்கு கோபுரங்கள் பெரிய வரவேற்பு முறைகளுடன் அமைந்துள்ளது. அன்னதான கோபுரம் கோவிலில் நடைபெறும் அன்னதான பணிக்காக தனியாக அமைந்த கோபுரம். திருவாரூர் கோயிலின் கோபுரங்கள் சிற்பங்களின் அழகினை மட்டுமில்லாமல், ஆன்மிக முக்கியத்துவம் மற்றும் வரலாற்று மரபுகளையும் உணர்த்துகின்றன.
இவை தமிழர் கலையின் மகத்தான ஓர் உதாரணமாகவும், சிவபக்தியின் மையமாகவும் திகழ்கின்றன.திருவாரூர் அருள்மிகு தியாகராஜர் கோவிலில் அமைந்துள்ள திருக்குளம், தென்னிந்தியாவின் மிகப்பெரிய கோவில் குளங்களில் ஒன்றாகும். இது கட்டடக்கலையாலும், பண்டைய தமிழ் மரபின் அடையாளமாகவும் விளங்குகிறது. கோவிலின் தெப்பக்குளம் 25 ஏக்கர் பரப்பளவு கொண்டது. 21 மாடங்கள் கொண்ட படிக்கட்டுகளுடன் நீர்க்கரை அமைந்துள்ளன.
இந்தக் குளத்தில் மகாலட்சுமி தியானம் செய்தார் என்பதால், இது கமலாலயம் என அழைக்கப்படுகிறது. இந்தக் குளத்தில் நீராடினால், காசி தீர்த்த சன்னிதானத்தின் புண்ணியம் கிடைக்கும் என நம்பப்படுகிறது. தியாகராஜர் கோவிலின் பிரதான தெப்பத்திருவிழா இங்குதான் நடைபெறும். மார்கழி மாதம் தியாகராஜர் தெப்பம் பிரசித்தி பெற்றது. அதில் உற்சவர் மூர்த்தி அழகாக அலங்கரிக்கப்பட்டு தெப்பத்தில் வரவேற்கப்படுகிறார்.
திலகவதி
|