‘‘ஆழமா காதலிச்ச பொண்ணை ஏன் கைவிட்டே..?’’
‘‘என் செலவுல கன்னாபின்னான்னு சாப்பிட்டு அகலமாயிட்டே போறா...’’

பெற்றோர்கள் செல்போன் மாதிரி; லவ்வர் சிம்கார்ட் மாதிரி; உறவினர்கள் பேலன்ஸ் மாதிரி. ஆனால் நண்பர்கள் பேட்டரி மாதிரி... என்னதான் செல்போன், சிம்கார்ட், பேலன்ஸ் எல்லாம் இருந்தாலும், பேட்டரி இல்லைன்னா ஸ்விட்ச் ஆஃப்தான்!
நண்பா... 100 ரூபாய்க்கு ரீசார்ஜ் பண்ணி விடேன். என் ஃபிரண்டைப் போல யாரு மச்சான்?

‘‘கட்சியில போதுமான நிதி இல்லைன்னு நினைக்கிறேன்...’’
‘‘எதை வச்சு சொல்றே..?’’
‘‘தலைவருக்கு ‘வறட்சிப்புயல்’னு பட்டம் தந்திருக்காங்களே...’’

‘‘என்ன துணிச்சல் இருந்தா வெளி மாநிலத்துல இருந்து இங்கே திருட வந்திருப்பீங்க..?’’
‘‘இங்கேதான் கண்டபடி கரன்ட் போகுதாம்... அதனாலதான் வந்தோம் ஏட்டய்யா..!’’

நல்ல ஆசிரியர்களால் நல்ல மாணவர்களை உருவாக்க முடியும்; நல்ல முதலாளிகளால் நல்ல தொழிலாளிகளை உருவாக்க முடியும். ஆனா நல்ல டாக்டர்களால் நல்ல பேஷன்ட்களை உருவாக்க முடியுமா?
- ஆஸ்பத்திரியிலிருந்து வெளியில் போகமுடியாத உள் நோயாளிகள் சங்கம்

‘‘நம்ம தலைவர் பொதுக்கூட்டத்தில் பேசும்போது ஏன் கண்ணை மூடிக்கிட்டே பேசறாரு..?’’
‘‘எதிர்ல ஆட்களே இல்லாட்டியும் அப்பதான் அவரால பேச முடியும்!’’

பொண்ணுக்கு மாப்பிள்ளை எத்தாலியை வேணும்னாலும் கட்டலாம்: இத்தாலியைக் கட்ட முடியாது!
- தாலியை வைத்தும் ஜாலியாக விளையாடுவோர் சங்கம்