குழந்தைகள் முதல் டீன் ஏஜில் உள்ளவர்கள் வரை அனைவரும் விரும்பிச் சாப்பிடக்கூடிய உணவு என்றால் அது நூடுல்சும் பாஸ்தாவும்தான். காரணம், நண்பர்களுடன் பேசிக்கொண்டே சுவைத்துச் சாப்பிடக்கூடிய உணவாக இவையே இருக்கின்றன. அந்த பல்சினை மிகவும் அழகாகப் புரிந்துகொண்ட ஜனக் தவே, சென்னை, கீழ்ப்பாக்கம் மற்றும் வேளச்சேரியில் பாஸ்தாவுக்காகவே ஒரு உணவகத்தைத் தொடங்கியுள்ளார். ‘ஃபுசிலி ரீசன்ஸ்’ என்று அழைக்கப்படும் இவரது உணவகத்துக்குப் பின்னால் இருக்கும் அவரது பயணம் சுவாரஸ்யமானது.

இந்த மூன்று விஷயங்களிலும் கவனமா இருந்தேன். அப்பா கொடுத்த காசில் எனக்கான ஸ்டால் மற்றும் பாஸ்தாவிற்குத் தேவையான பொருட்களை வாங்கினேன். அண்ணாநகரில் நான் படிச்ச பள்ளிக்கு அருகே ஸ்டால் அமைத்தேன். பள்ளிக் குழந்தைகள் என்பதால், கடையில் உணவின் அதிக பட்ச விலை ரூ.50னு நிர்ணயித்தேன்.

சமைக்க சமைக்க பாஸ்தா காலியாச்சு. அம்மாவும் பாட்டியும் ரொம்பவே ஒத்துழைப்பு கொடுத்தாங்க. பள்ளி மாணவர்கள் மட்டுமில்லாம அங்கு வேலை பார்த்த ஆசிரியர்கள்... அந்த வழியா சென்றவர்கள்னு எல்லாரும் வந்தாங்க.

‘‘நான் ஸ்டால் வைத்திருந்த இடத்தின் உரிமையாளருக்கு வங்கி சார்ந்த பிரச்னை ஏற்பட்டதால், அவரால் அந்த இடத்தை எனக்குத் தர முடியாத சூழல் உருவாச்சு. கடையை மூட வேண்டிய நிலைக்குத் தள்ளப்பட்டேன். ஆனா, துவண்டு போகாம வேறு என்ன ஆப்ஷன் இருக்குனு யோசித்தேன். பெரிய அளவில் உணவகம் திறக்க பணமில்லை.

அதனால் பள்ளி மற்றும் கல்லூரிகளுக்கு செல்ல ஆரம்பித்தேன். அங்கு நடைபெறும் கலை நிகழ்ச்சியின் போது ஸ்டால் அமைக்க திட்டமிட்டேன். அது எனக்கு நல்ல அடையாளத்தைக் கொடுத்தது.