‘‘அவருக்கு எல்லாப் படத்துலயும் பிச்சைக்காரன் வேஷம்தான் கிடைக்குது...’’
‘‘புவர் ஸ்டார்னு சொல்லு..!’’

‘‘கடைசியா என்ன சொல்ல விரும்பறே கபாலி..?’’
‘‘வேற எந்த ஜெயிலுக்கும் அனுப்பிடாம, என்னைப் ‘புழல்’லயே போடுங்க எசமான்... சென்னையில மட்டும்தான் ரெண்டு மணி நேரம் பவர்கட்!’’

இறந்தவருக்கு ‘அஞ்சலி’ கவிதை பாடலாம்; ‘அனுஷ்கா’ கவிதை பாட முடியுமா?
- எங்கேயும் எப்போதும் அஞ்சலி புகழ் பாடுவோர் சங்கம்

கடையில மரக்கட்டில் வாங்கலாம்; இரும்புக் கட்டில் வாங்கலாம். ஆனா, ‘ஆட்சிக் கட்டில்’ வாங்க முடியுமா?
- எப்படியாவது ஆட்சிக்கட்டிலில் உட்கார்ந்து விடத் துடிப்பவர்கள் சங்கம்

‘‘மருந்தை சாப்பிட்டுட்டு உங்களை ஒரு வாரம் கழிச்சுத்தானே வரச் சொன்னேன்... இன்னிக்கு ஏன் வந்தீங்க?’’
‘‘இன்னிக்கு உங்க நர்ஸ் வரச் சொல்லியிருந்தாங்க டாக்டர்...’’

ஒருத்தரை புகழும்போது ‘விடிவெள்ளி’ன்னு சொல்லலாமே தவிர, விலை அதிகம்ங்கிறதுக்காக ‘விடி தங்கம்’, ‘விடி வைரம்’னு சொல்ல முடியாது!
- வானத்தில் நம்பிக்கை நட்சத்திரத்தைத் தேடுவோர் சங்கம்

‘‘நேத்து நடந்த கூட்டத்தில் பாலியல் வன்கொடுமை பத்தி மகளிர் அணித்தலைவி இவ்வளவு ஆவேசமா பேசியிருக்கக் கூடாது தலைவரே...’’
‘‘ஏன்யா..?’’
‘‘கூட்டத்துக்கு வந்திருந்த நிறைய பேரு, உங்களை ‘சந்தேகமா’ பார்க்க ஆரம்பிச்சிட்டாங்க..!’’