அடைந்தால் மகாதேவி இல்லையேல் மரணதேவி எனும் இறுதி நிலைக்கு வந்து சேர்ந்திருக்கிறார்கள் மணிப்பூர் கலவரத்தில் பெரிதும் பாதிக்கப்பட்ட குக்கீஸ் பழங்குடி இன மக்கள்.

இன்றைய நிலையில் ஒரு  தலைநகருக்குத் தேவையான அனைத்து வசதிகளுடனும் அதுவும் அரசு வேலை, அரசு சேவைகளில் மிகவும் முன்னணியில் இருக்கும் சமூகம் இந்த மெய்தி சமூகம்தான்.

‘சென்னையின் மக்கள்தொகை நெருக்கம் தமிழ்நாட்டின் மற்ற நகரங்களைவிட அதிகம்தான். அதற்காக சென்னை மக்கள் மற்ற நகர மக்களின் நிலத்தை ஆக்கிரமிக்க முடியுமா..? 

அதுபோல்தான் மணிப்பூரின் தலைநகரான இம்ஃபால் உட்பட 10 சதவீதமான நிலத்தில் வசிக்கும் 53 சதவீதமான மெய்தி மக்கள், மணிப்பூரின் 90 சதவீதமான நிலத்தில் வசிக்கும் குக்கீஸ் மற்றும் நாகா பழங்குடி மக்களின் நிலத்தை ஆக்கிரமிக்கத் துடிப்பதும்...’ என்று சொல்லும் அரசியல் ஆர்வலர்கள், பழங்குடிகள் வசிக்கும் 90 சதவீதமான நிலத்தில் 67 சதவீதமான நிலம் வேளாண்மை செய்யமுடியாத அல்லது மக்கள் வசிக்கமுடியாத காடுகளாக இருப்பதாகக் குறிப்பிடுகிறார்கள்.

அதுபோல மணிப்பூரின் பழங்குடிகள் பற்றிய இன்னொரு பிரசாரம் இந்த குக்கீஸ் மக்கள் கஞ்சா பயிரிடுகிறார்கள் என்பது. இந்த கஞ்சா பணத்தைக் கொண்டு நவீன துப்பாக்கிகளை வாங்கி தீவிரவாதத்துக்கு உதவுகிறார்களாம்.‘கஞ்சா பயிரிடுவது உண்மைதான். அதை வைத்து துப்பாக்கி வாங்குவதும் உண்மைதான். 

ஆனால், இதைத் தடுக்கவேண்டியது அரசுதானே. கஞ்சா பயிரிடும் முதலாளிகளும் துப்பாக்கி வாங்கும் முதலாளிகளும் தலைநகரான இம்ஃபாலிலும், அன்னிய நாடுகளிலும் இருக்கிறார்கள். அவர்களைத் தடுப்பது அரசின் கடமையல்லவா..?

அதுபோல மியான்மர், பங்களாதேஷ் போன்ற நாடுகளில் இருந்து எல்லாம் குக்கீஸ்கள் இந்த குற்றச் செயல்களுக்காக மணிப்பூருக்கு படையெடுக்கிறார்கள். மணிப்பூரின் மக்கள்தொகையில் பெரும்பான்மையாக இருக்கும் மெய்தி சமூகத்தைவிட குக்கீஸ் மக்கள்தொகை இந்த அன்னிய படையெடுப்பால் அதிகரிக்கப்போகிறது என்று சொல்வதையும் மறுக்கிறார்கள் சமூக ஆர்வலர்கள்.

அத்துடன் மெய்திகளுக்கு ஆதரவாகச் செயல்பட்டால் அவர்களது வாக்கு அப்படியே தங்களுக்குக்  கிடைக்கும் என்றும் நம்புகிறார்கள். குறிப்பாக ஆளும் பாஜகவின் நிலைப்பாடு இதுவாகத்தான் இருக்கிறது. 

ஆனால், இந்த நிலப் பிரச்னையை நீதிமன்றங்கள் சரி செய்யமுடியாது. இதைச் செய்ய பாராளுமன்றத்தில் சட்டம் இயற்றவேண்டும். மணிப்பூர் நீதிமன்றம் இந்தப் பிரச்னையை எடுத்திருப்பது பெரிய தவறு. இதைத் தெரிந்த பாஜக அரசு, இந்த நிலப் பிரச்னையை மெய்திகளுக்கு ஆதரவாக சாதிக்க மதத்தை நுழைத்திருக்கிறார்கள் என்கிறார்கள் அரசியல் பார்வையாளர்கள்.

அப்படி மெய்தி மக்களும் இந்து மதத்தில் தங்களை இணைத்துக்கொண்டார்கள். ஆனால், ஆங்கிலேயர் ஆட்சியில் கிறிஸ்தவர்களாக மாறிய குக்கீஸ்கள் இன்றும் அதே மதத்தில் தொடர்கிறார்கள்.