பெரியவர்களை இயற்கையா வழியனுப்பும் தலைக்கூத்தல்!

‘‘நடிக்கும் ஆசையில்தான் அமெரிக்காவிலிருந்து வந்தேன். ஆனால், இங்கு வந்த பிறகு பாதை மாறி இயக்குநரானேன்...’’ நிதானமாகப் பேசுகிறார் ‘தலைக்கூத்தல்’ இயக்குநர் ஜெயப்பிரகாஷ் ராதாகிருஷ்ணன்.

 ‘தலைக்கூத்தல்’ டைட்டிலுக்கு விளக்கம் சொல்லமுடியுமா?

 தலைக்கூத்தல் என்பது தென் மாவட்டங்களில் இருக்கக்கூடிய ஒரு சம்பிரதாயம். உயிர் போகும் நிலையில் உள்ளவர்களை இயற்கை முறையில் வழியனுப்பி வைக்கும் ஒரு நடைமுறையைத்தான் தலைக்கூத்தல் என்று சொல்வார்கள். அப்படி தலைக்கூத்தலை கருவாகக் கொண்ட படம் இது.  இதற்கு முன் இந்த ஜானர்ல ‘கே.டி’, ‘பாரம்’ போன்ற படங்கள் வந்துள்ளது. ஆனால், அந்தப் படங்களுக்கும் இந்தப் படத்துக்கும் ஒரு சதவீத ஒற்றுமையும் இருக்காது.