இதுவரை உலகளவில் வெளியான திரைப்படங்களில் தலைசிறந்த படமாகக் கொண்டாடப்படுகிறது, ‘த காட்ஃபாதர்’ எனும் ஆங்கிலப்படம். இதன் இயக்குநர் ஃப்ரான்சிஸ் ஃபோர்ட் கபோலா. சுருக்கமாக கபோலா. உலகத் திரைப்பட வரலாற்றில் 1960 முதல் 1980 வரையிலான காலத்தை ஹாலிவுட்டின் மறுமலர்ச்சி அல்லது புது ஹாலிவுட் காலம் என்று சொல்கின்றனர்.

‘த காட்ஃபாதர்’ (1972), ‘த கன்வர்சேஷன்’ (1974), ‘த காட்ஃபாதர்: பாகம் 2’ (1974), ‘அபோகலிப்ஸ் நவ்’ (1979) போன்ற திரைக்காவியங்களை இயக்கி புகழின் உச்சியில் கபோலா இருந்த காலம் அது. இதற்கு மேல் கபோலா சினிமாவில் செய்ய எதுவுமில்லை என்று அவரை பாராட்டித் தள்ளிக்கொண்டிருந்த 1980களில் ‘மெகாலோபொலிஸ்’ படத்துக்கான திரைக்கதையை எழுத ஆரம்பித்தார்.