பெரிய வாழைப்பழம்!
ஒரு கிலோ வாழைப்பழம் வாங்கினால் அதில் குறைந்தது 5 பழங்களாவது இருக்கும். ஆனால், பப்புவா நியூ கினியில் விளையும் ‘Giant Highland Banana’ என்ற வாழைப்பழத்தை ஒரு கிலோ வாங்கச் சென்றால் ஒரு பழத்தில் கொஞ்சத்தை வெட்டித்தான் கொடுப்பார்கள்!அதன் சைஸ் அப்படி! ஆம். ஒரு பழம் மட்டுமே சுமார் 6 கிலோ வரை இருக்குமாம்.
![](http://kungumam.co.in/kungumam_images/2023/20230127/19.jpg)
இந்த வாழைப்பழம் விளையும் வாழை மரம் மூசா இன்ஜென்ஸ் [Musa Ingens] என்று அழைக்கப்படுகிறது. இந்த மரங்கள் இந்தோனேசியா, பிலிப்பைன்ஸ், மலேசியா போன்ற நாடுகளில் அதிகளவில் வளர்க்கப்படுகின்றன.
![](http://kungumam.co.in/kungumam_images/2023/20230127/19a.jpg) இருப்பினும், பப்புவா நியூ கினியில்தான் அதிக உயரமாக வளர்கிறது. 15 முதல் 30 மீட்டர் உயரம் வரை இந்த வாழை மரங்கள் வளர்கின்றன.
இந்த வாழை மரங்கள் காய்ப்பதற்கான காலமும் அதிகம். அதாவது 3 முதல் 5 ஆண்டுகள் வரை ஆகும். இந்த வாழை மரங்கள் வெப்பமண்டலத்தில் தாழ்வான பகுதிகளில் வளராது. மேட்டுப்பகுதியில் அதுவும் பகலில் குளிர்ச்சியாகவும், இரவில் ஈரமான மற்றும் சூடான மிதமான காலநிலையில்தான் வளரும்.
காம்ஸ் பாப்பா
|