ஒரு வீட்டில் குடும்பத்தலைவி முதலில் எப்படி தன்னை கவனித்துக் கொள்கிறாரோ அதைப் பொறுத்துதான் வீட்டில் உள்ள மற்றவர்களும் ஆரோக்கியமாகவும் அக்கறையாகவும் தங்களைப் பார்த்துக் கொள்வர்.

இதற்கு மிகப்பெரும் சான்றாக அருணாவும் அவரது மகள் கிருஷ்ணார்துளு சருயுவும் கெத்து காட்டுகிறார்கள்.ஆம். ஒரே குடும்பத்தில் அம்மா, மகள் இருவரும் கிளாம் ஆன் மிஸஸ் இந்தியா (பிளஸ் சைஸ்) மற்றும் கிளாம் ஆன் மிஸ் இந்தியா என இரண்டு பட்டங்களையும் வென்று திரும்பியுள்ளனர். ஒரே வீட்டில் இரண்டு அழகிப் பட்டங்கள்... வீட்டில் என்ன சொல்கிறார்கள்..? கேட்டவுடன்  ஜாலியான சிரிப்புடன் தொடர்ந்தார் அருணா.

மிச்சமாகுதேனு சாப்பிடுறதுல ஆரம்பிக்கிறதுதான் அத்தனை பிரச்னைகளும். ஒல்லியோ பருமனோ... விஷயம் அது இல்ல. வயதுக்கு மீறின தோற்றத்துலே நாம தெரியாம இருந்தாலே போதும். அதுக்கு ஆரோக்கிய உணவும் சரியான தூக்கமும் அவசியம். நம்ம தின வாழ்க்கையை சுமையா நினைக்கவும் கூடாது; அப்படி இருக்கவும் கூடாது. பிடிச்சதை செய்யுங்க... ஆரோக்கியமா செய்யுங்க. அதற்கு குடும்பங்களும் உதவணும்...’’ அழுத்தமாகச் சொல்கிறார் அருணா.கே.