‘‘எங்களை மாதிரி பட்ஜெட்ல படம் எடுக்கிறவங்களை ஓடிடி தளங்கள் சீண்டுவதில்லை. வெளியீட்டு நிறுவனங்களும் கண்டுகொள்வதில்லை. எனவே எங்களுக்கு இருக்கும் ஒரே வழியான தியேட்டரில் தைரியமாக ரிலீஸ் பண்ணப்போறோம்.

படம் வெளியானதும் கண்டிப்பாக இண்டஸ்ட்ரி எங்களை திரும்பிப் பார்க்கும். அதற்கு முன்னோட்டமாக ஃபர்ஸ்ட் லுக் போஸ்டருக்கு செம ரெஸ்பான்ஸ் கிடைச்சிருக்கு...’’ நம்பிக்கையோடு சொல்கிறார் ‘கூர்மன்’ படத்தின் இயக்குநரான பிரயான் பி.ஜார்ஜ்.

என்னுடைய நாயகன் கூர்மையா கவனிக்கிறவன், கூர்மையா செயலாற்றுபவன் என்பதால் ‘கூர்மன்’ என்று தலைப்பு வைத்திருக்கிறோம். புத்திக்கூர்மையுள்ள நாயகனின் திறமையை காவல்துறை பயன்படுத்திக் கொள்கிறது.

அதன் பின்னணி என்ன என்பதை க்ரைம் த்ரில்லர் ஜானரில் சொல்லியிருக்கிறேன். திருக்குறளில் ‘குறிப்பறிதல்’ அதிகாரத்தில் 701வது குறளில் ‘கூறாமை நோக்கக் குறிப்பறிவான் எஞ்ஞான்றும் மாறாநீர் வையக் கணி’ என்று வள்ளுவர் சொல்லியிருக்கிறார். வள்ளுவர் வாக்குப்படி இதுபோன்ற திறமையானவர்கள் உலகத்துகே அழகு சேர்ப்பவர்கள். இந்த குறளுக்கும் கதைக்கும் கூட தொடர்பிருக்கிறது.

பாலா சாரிடமிருந்து தன் சினிமா வாழ்க்கையைத் தொடங்கியவர் என்பதால் பர்ஃபார்மென்ஸில் கலக்கியிருக்கிறார்.

இதற்கு முன் ஜனனி பெரிய படங்களில் பெரிய இயக்குநர்களிடம் வேலை பார்த்திருக்கிறார். எனக்கு இது முதல் படம். ஆனாலும் இயக்குநரின் நடிகையாகவே நடந்து கொண்டார். ஒன்று தெரியுமா..? அவர் நடித்த ‘தெகிடி’யில் நான் அசோசியேட். அன்று கொடுத்த மரியாதை இம்மியளவும் குறையவில்லை. எனக்கு மட்டுமல்ல, என்னுடைய உதவி இயக்குநர்களுக்கும் அதேமரியாதைதான்.

‘கூர்மன்’ ஃபர்ஸ்ட் லுக் போஸ்டரை அதிகாரபூர்வமாக விஜய் சேதுபதி வெளியிட்டார். டோனிதான் படத்துக்கு மியூசிக் என்று தெரிந்ததும் சந்தோஷ் நாராயணன் சார் அவருடைய சமூக வலைத்தளத்தில் வெளியிட்டு தன் சிஷ்யனை குஷிப்படுத்தினார். படத்தில் மொத்தம் 3 பாடல்கள். உமாதேவி 2 பாடல்கள் எழுதியிருக்கிறார்.

அதில் ஆணின் தனிமையை பிரதிபலிக்கும் பாடலும் அடக்கம். இன்னொரு பாடலை நானே எழுதியிருக்கிறேன். ‘திரெளபதி’, ‘ருத்ரதாண்டவம்’ பண்ணிய தேவராஜ் எடிட்டிங். எம்.கே.எண்டர்டெயின்மெண்ட் சார்பாக எம்.கே தயாரித்திருக்கிறார். சினிமா ஆர்வமுள்ள தயாரிப்பாளர்.