சிவகங்கை மாவட்டம் மானாமதுரையின் புறநகர் பகுதியான கன்னார்தெருவில் இருந்து இரண்டு கிலோமீட்டர் தொலையில் உள்ளது பனிக்கனேந்தல் கிராமம். இந்த கிராமத்தில் 200க்கும் மேற்பட்ட குடும்பங்கள் வசித்து வருகின்றன.

விவசாயம், கால்நடை வளர்ப்பு என முக்கிய தொழிலில் ஈடுபட்டு வரும் இக்கிராமத்தினர், ‘ஊர் கட்டுப்பாடு’ என்னும் சமூக அக்கறை செயல்பாடுடையவர்களாக இருக்கின்றனர். விவசாயமே பிரதானமாக உள்ள இந்த கிராமத்தில் மது கொண்டாட்டங்கள், சண்டை சச்சரவுகள் அதிகம் இல்லாமல் அவரவர் குடும்பத் தேவைகளுக்காக அருகே உள்ள மானாமதுரைக்கு பல்வேறு வேலைகளுக்காகச் சென்று வருவது வழக்கம்.