ஹாலிவுட் படம் தயாரிக்கும் தமிழர்!

தமிழில் ஒரு படத்தை எடுத்து முடித்து அதை ரிலீஸ் செய்வதற்குள் தயாரிப்பாளர்களின் முதுகெலும்பே உடைந்து விடுகிறது.
இந்நிலையில் சத்தமே இல்லாமல் ஹாலிவுட் நடிகர்களையும், ஹாலிவுட் டெக்னீஷியன்களையும் வைத்து ஒரு ஹாலிவுட் படத்தை தயாரித்துள்ளார் ஒரு தமிழர்!அவர்தான் டெல் கே.கணேசன்.

சில நாட்களுக்கு முன் நம் தமிழ் நடிகர் நெப்போலியன் ஒரு ஹாலிவுட் படத்தில் நடிப்பதாக செய்தி வந்ததே... அது இந்தப் படம்தான்!
‘டெவில்ஸ் நைட்’ என்ற பெயரில் உருவாகி இருக்கும் இந்த த்ரில்லர், பேய் படம், மேற்கத்தியர்கள் அதிகம் பயப்படும் செவ்விந்தியர்கள் சார்ந்த சிவப்புப்
பேய்கள் பற்றிய கதையைக் கொண்டது.

இப்படத்தை சாம் லோகன் கலெகி (Sam Logan Khaleghi) என்னும் ஆங்கிலேயர் இயக்கியிருக்கிறார். ‘கைபா பிலிம்ஸ்’ சார்பில் டெல் கே.கணேசன்,  பிரமாண்டமாகத் தயாரித்திருக்கும் இப்படம் விரைவில் உலகெங்கும் ரிலீஸாகப் போகிறது. இப்படத்தை தமிழிலும் இந்தியிலும் கூட டப் செய்யப் போகிறார்.