‘‘என்னய்யா இது... இந்த குற்றப் பத்திரிகையில ‘பக்தி ஸ்பெஷல்’னு போட்டிருக்கு?’’
‘‘நீங்க கோயில் சொத்தை கொள்ளையடிச்சதை ஒண்ணா தொகுத்திருக்காங்களாம் தலைவரே..!’’

‘‘ஆபரேஷனுக்கு எல்லாம் ரெடியா இருக்கா..?’’
‘‘எல்லாம் இருக்கு டாக்டர்! ஆனா பேஷன்ட்டுதான் இல்லை...’’

‘‘தலைவர் ஏன் அந்த நிருபரை கன்னாபின்னான்னு திட்டறார்?’’
‘‘நீங்க இதுவரை செஞ்சதுலயே மறக்க முடியாத ஊழல் எதுன்னு கேட்டுட்டாராம்..!’’

‘‘மும்பையிலிருந்து வந்த அந்த தமிழ்ப்பட கதாநாயகி என் கனவுல வந்தாங்க...’’
‘‘என்ன சொன்னாங்க..?’’
‘‘அவங்க கூட டப்பிங் ஆர்ட்டிஸ்ட் வரல... அதனால என்ன சொன்னாங்கன்னு தெரியல!’’

‘‘தலைவர் ஏன் கோபமா இருக்கார்..?’’
‘‘ஒரு குற்றப்பத்திரிகையை எழுத்து கூட்டிப் படிக்கிறதுக்கு முன்னாடியே இன்னொண்ணு குடுத்துடறாங்களாம்...’’

ஸ்பீக்கரு...
‘‘எதிரே அமர்ந்திருக்கும் ஐந்து தொண்டர்களுக்கும், அருகிலுள்ள டாஸ்மாக் பாரில் குடித்துக் கொண்டிருக்கும் ஐந்நூறு தொண்டர்களுக்கும் என் முதற்கண் வணக்கத்தை தெரிவித்துக் கொள்கிறேன்...’’

‘‘ரெண்டு மணி நேரம் உடற்பயிற்சி செய்தும் தலைவருக்கு உடம்பு வியர்க்கலை...’’
‘‘அப்புறம்..?’’
‘‘வீட்ல இன்கம்டாக்ஸ் ரெய்டு நடக்கப் போகுதுன்னு சொன்னதும் குப்புன்னு வியர்த்துடுச்சு...’’