ஷாருக்கின் மானேஜர்!
எத்தனை சமூக வலைத்தளங்கள் இருக்கின்றன..? அனைத்திலும் ஹாட், ஹாட்டஸ்ட் இந்த தலைப்புதான்!பாலிவுட் சூப்பர் ஸ்டார் என ரசிகர்களால் கொண்டாடப்படும் ஷாருக்கான், 30 வருடங்களாக திரைத்துறையில் இருக்கிறார்.
 ஏகப்பட்ட சூப்பர் / பம்பர்/ ப்ளாக் பஸ்டர் ஹிட் படங்கள். போதாதா..? பாலிவுட் பாட்ஷாவாக, பாக்ஸ் ஆபிஸ் கிங் ஆக, வசூல் சக்ரவர்த்தியாக வலம் வருகிறார்.இந்த ஆண்டு தொடக்கத்தில் வெளியான அவரது ‘பதான்’ திரைப்படம், ரூபாய் ஆயிரம் கோடிக்கு மேல் வசூலித்து சாதனை புரிந்திருக்கிறது.
இதனால் அடுத்து அவரது நடிப்பில், அட்லீயின் இயக்கத்தில் வெளிவர இருக்கும் ‘ஜவான்’ திரைப்படத்துக்கு எக்கச்சக்க எதிர்பார்ப்பு கிளம்பியிருக்கிறது. இது தவிர பல மெகா ப்ராஜெக்ட்ஸ் லைனில் நிற்கின்றன.இவையெல்லாம் அனைவரும் அறிந்த செய்தி.அறியாதது..? அவரது மானேஜர் குறித்த தகவல். யெஸ். ‘ஷாருக்கானின் மானேஜர் வாங்கும் சம்பளம் இது’ என உலவும் ஒரு தகவல்தான் சோஷியல் மீடியாவில் புயலைக் கிளப்பியுள்ளது.
கிட்டத்தட்ட கடந்த 11 வருடங்களாக ஷாருக்கானின் மானேஜராக பணியாற்றி வருகிறார் பூஜா தத்லானி. 40 வயதாகும் பூஜா மாஸ் கம்யூனிகேசன் படித்துள்ளார். இவரது சம்பளம்?
ஆண்டுக்கு ரூ.10 கோடியாம்!
காம்ஸ் பாப்பா
|