‘‘ஆடைகள் வெறும் ஆடைகள் அல்ல; நாம் யார் என்று புரஜெக்ட் செய்கிற ப்ரொஃபைல்...’’ அழுத்தமாகச் சொல்கிறார் மாலினி கார்த்திகேயன்.

‘‘பொதுவாகவே எனக்கு கதைகள்ல கேட்கற கேரக்டர்களை, காட்சிகளை விஷுவல் செய்து பார்க்க பிடிக்கும். குறிப்பா ஒரு கேரக்டரை முழுமையா கற்பனை செய்து பார்க்கறதும், அதை நிஜத்தில் உருவாக்கிக் கொண்டு வர்றதிலும் ஆர்வம் அதிகம். சின்ன வயதிலிருந்தே ஃபேஷன் ஆர்வமும் உண்டு. ஒரு கேரக்டரை முழுமையாக்கற பொறுப்பு மேக்கப் மற்றும் காஸ்ட்யூம்லதான் இருக்கு. அதனாலேயே ஃபேஷன்தான் என் கரியர்ன்னு முடிவு செய்தேன்.

 ‘வானம் கொட்டட்டும்’ படம் முடிஞ்சப்பறம் கௌதம் மேனன் சாருடைய ‘குயின்’ வெப் சீரீஸ்ல ஜெயலலிதா மேடம் கெட்டப்புக்கு வேலை செய்தேன். அடுத்து ‘ஆதித்யா வர்மா’ படத்தில் காஸ்ட்யூம்ஸ் செய்தேன். பிறகு ‘ஃபனே கான்’, ‘ராதே ஷ்யாம்’ படங்களிலும் வேலை செய்தேன்.