பழமையான தமிழ்ப் புத்தகங்களுக்கு ஒரு சொர்க்கபுரியாகவும், அந்த பழமைக்கான ஆதாரமாக ஒரே புத்தகத்தின் பல மூல வடிவங்கள், பல பதிப்புகளின் புகலிடமாகவும் இருக்கிறது சீனிவாசனின் வீடு. சென்னை ஆவடியில் ‘பாரதி ஆய்வு நூலகம்’ எனும் இந்த மினி நூலகத்தில் மட்டுமே சுமார் 35 ஆயிரம் புத்தகங்கள் இருக்கின்றன. இதில் 2000 புத்தகங்கள் ஒரிஜினல். அதாவது முதல் பதிப்புகள்.

இதிலும் பல புத்தகங்கள் 100 வருட பழமையானவை.முன்னோர்கள் விஜயநகரக் காலத்து ஆந்திரக்காரர்களாக இருக்க, சீனிவாசன் பிறந்தது தஞ்சை திருவிடைமருதூரில். அன்றைய எஸ்.எல்.சி (ப்ளஸ் ஒன்), ஐ.டி.ஐ ஃபிட்டர் படிப்பை முடித்துவிட்டு திருச்சி பெல் நிறுவனத்தில் வேலை பார்த்தார்.

இக்காலத்தில் தன் தாய், சித்தப்பாவின் படிப்பு வாசம் சீனிவாசனுக்கும் தொற்றியது. அதற்கு ஏற்ப தொழிற்சாலை தொழிலாளர்களின் அவலங்களும் அவரைப் பாதிக்க... வாசிப்புப் பழக்கமும் கொஞ்சம் சிவப்பாக மாறத் தொடங்கியது. இந்தச் சூழ்நிலைதான் சீனிவாசனை கம்யூனிஸ்ட் கட்சி வேலைகளிலும் அதன் பல்வேறு அமைப்புகளிலும் களம் ஆட வைத்தது.

 கட்சியின் கல்வி பயிற்சி வகுப்புகளிலும் வாசிப்பு தூண்டிவிடப்பட இடதுசாரிகளின் ஆப்த வாக்கியமான வரலாற்றுப் பொருள்முதல்வாதம் எனும் மந்திரச் சொல் சீனிவாசனையும் தொற்றிக்கொண்டது.

அவரிடம்தான் நான் அந்த வயதில் முதல்முறையாக கார்ல் மார்க்ஸ், ஏங்கல்ஸ், ராகுல சாங்கிருத்தியாயன் போன்றவர்கள் எழுதிய புத்தகங்களைப் பார்த்தேன். பொதுவாக பள்ளிக்கூட காலத்தில் பலரிடம் ஓசி வாங்கி படிக்கும் பழக்கம்தான் இருந்தது. ஆனால், படித்து முடிப்பதற்கு முந்தியே பலர் கேட்டுவிடுவார்கள். இந்தப் பிரச்னையை நான் வேலைக்குச் சேர்ந்தபிறகுதான் தீர்க்கமுடிந்தது...’’ என்று சொல்லும் சீனிவாசன், திருச்சியில் ஏற்பட்ட மாற்றங்கள் பற்றியும் விவரித்தார்.‘‘திருச்சியில் இருந்தபோது கம்யூனிஸ்ட் கட்சி, தொழிலாளர்கள் என்று பழக்கம் மாறிவிட்டது.

அப்போது என்.சி.பி.எச் புத்தக நிலையம் மிகப் பிரபலம். ஒருமுறை என்.சி.பி.எச்சை அணுகினேன். தாங்கள் விற்கும் புத்தகங்களை எனக்கு 25 சதவீத கழிவில் கொடுப்பதாகவும், அந்தப் புத்தகங்களை விற்று அதில் வரும் கழிவுத் தொகையை வைத்து நான் புத்தகங்களை வாங்கிக்கொள்ளலாம் என்றும் சொன்னார்கள்.

இதற்கான ஆதாரமான புத்தகமாக ‘தேவிபாகவதம்’ இருக்கும். இதையெல்லாம் தொடர்புள்ள புத்தகங்களில் அடிக்குறிப்புகளாக குறிப்பிட்டிருப்பார்கள். அதனால் படிக்கும் புத்தகங்களை மட்டுமல்ல... அதில் அடிக்குறிப்புகளாக சுட்டிக் காட்டப்பட்டிருக்கும் புத்தகங்களையும் தேடத் தொடங்கினேன். 1812ல்தான் திருக்குறள் முதலில் அச்சாகியது.

இது என்னிடம் இல்லை. ஆனால், 1909ல் வை.மு.கோபாலாச்சாரியால் பதிப்பிக்கப்பட்ட பரிமேலழகர் உரை என்னிடம் உண்டு. திருக்குறளுக்கு சுமார் 10 முழுமையான உரைகள் உண்டு. ஆனால், இவற்றில் சிலதான் என்னிடம் உள்ளன. அதேநேரம் பெயர் தெரியாத 4 பழைய உரைகள் என்னிடம் உண்டு. திருக்குறளுக்குப் பிறகுதான் ஓலைச்சுவடிகளிலிருந்து அச்சுக்கு போகும் நூல்கள் அதிகமாகின.  

இந்தப் புத்தகத்தை அண்மையில் ஒரு பதிப்பகம் மூலம் மறுபதிப்பாக கொண்டுவந்திருக்கிறேன்...’’ என்று சொல்லும் சீனிவாசன், வெ.சாமிநாத சர்மா எழுதிய 80 புத்தகங்களும் தன்னிடம் இருப்பதாகச் சொல்கிறார்.

இத்தோடு இராமாயணத்தை எடுத்துக்கொண்டால் இராமாயணக் கும்மி, நலுங்கு இராமாயணம், இராமாயண வெண்பா, தக்கை இராமாயணம் முதல் வாலி எழுதிய அவதாரப் புருஷன் வரையில் தன்னிடம் இருப்பதாகக் கூறுகிறார். மொத்தத்தில் சீனிவாசனின் புத்தகச் சேகரிப்பு தமிழின் பொக்கிஷம் என்றே சொல்லவேண்டும்.