‘மதுபானக் கடை’ படத்தை தமிழ்த் திரையுலகம் அவ்வளவு சுலபத்தில் மறக்க முடியாது. அந்தளவுக்கு தாக்கத்தை ஒயின்ஷாப் உள்ளேயும் படம் பார்த்தவர்கள் மத்தியிலும் ஏற்படுத்திய படம் இது.

எந்த அங்கீகாரத்தையும் சொந்தமாக்கிக் கொள்ளாமல் முதல் டிஜிட்டல் திரைப்படமாக வெளியாகி தமிழகத்தில் பல்வேறு விதமான அதிர்வலைகளை ஏற்படுத்திய அப்படத்தின் இயக்குநர் கமலக்கண்ணன், பத்து வருடங்களுக்குப் பிறகு மீண்டும் ஒரு வித்யாசமான கதைக்களத்துடன் வந்திருக்கிறார். அதுதான் ‘வட்டம்’.‘‘காசு செலவு செய்து படம் பார்க்க வர்ற மக்கள் அவங்க காசு வீணாச்சுன்னு நினைக்கக்கூடாது. அதனால்தான் பத்து வருஷம் கழிச்சு பொறுமையா அடுத்த கதை, அடுத்த படம்...’’ பக்குவமாகப் பேசுகிறார் கமலக்கண்ணன்.  

ஒவ்வொரு மனுஷனும் தனக்குள்ள, தன்னைச் சுற்றி இப்படி ஏதாவது ஒரு வட்டத்தைப் போட்டுக்கிட்டுதான் வாழ்றான். எங்க சுத்தினாலும் நீ இங்க வந்துதான் ஆகணும்னு சொல்வோம் இல்லையா... அதுதான் கரு.

அதனால் படத்துக்கு ‘வட்டம்’னு பெயர். கதைக்களம் எதை சார்ந்து பயணிக்கும்?ஓர் ஆணும் பெண்ணும் பார்க்கவே முடியாத காலகட்டத்திலே கூட நிறைய பேச்சுக்கள் இருந்துச்சு, நிறைய உணர்வுப் பகிர்தல் இருந்துச்சு. இன்னைக்கு டெக்னாலஜி வளர்ந்து ஒரு ஆணும் பெண்ணும் ரொம்ப சுலபமா பேசிக்கக்கூடிய எல்லா வாய்ப்புகளும் இருந்தும்கூட பேசிக்கறதே இல்லை.

பேசாத இந்தக் காரணத்தாலதான் இன்னைக்கு உறவுகளுடைய ஆழம் புரியாம எதுக்கெடுத்தாலும் பிரிவு, முறிவுன்னு ஆகிடுச்சு. அதை அழுத்தமா சொல்லக்கூடிய கதைதான் ‘வட்டம்’.

பத்து வருஷம் நான் கஷ்டப்பட்டேன்... ஒரு கதை எழுதி வச்சுட்டு தயாரிப்பதற்காக தேடிக்கிட்டு இருந்தேன்... இப்படி எல்லாம் சொல்ல விரும்பல. இடைல நாங்க குடும்பமா சேர்ந்து அடுத்த படம் முடிச்சிட்டோம். குழந்தைகள் சார்ந்த ‘குரங்கு பெடல்’ படம். அதுவும் போஸ்ட் புரொடக்‌ஷன் வேலைகள்ல இருக்கு.

தொடர்ந்து அடுத்த படம் செய்ய என்கிட்ட கதை இல்ல. ‘மதுபானக் கடை’னு ஒரு கான்செப்ட் கிடைச்சது. அந்தப் படமும் என்னுடைய கதை கிடையாது. ‘குரங்கு பெடல்’ படமும் அப்படித்தான். இப்ப ‘வட்டம்’ படத்தின் கதையையும் னிவாசன் கவிநயம்தான் எழுதியிருக்கார். நான் படமாக்கிட்டேன்.

பொதுவா எனக்கு கதை எழுதுவதில் ஆர்வம் கிடையாது. நானே கதை எழுதி நானே படம் செய்யும்போது எனக்குனு ஒரு டெம்ப்ளேட் உருவாகி நான் இப்படித்தான் படம் செய்வேன்னு ஒரு கட்டுப்பாட்டுக்குள்ள வர வாய்ப்பிருக்கு. அப்படி என்னை நானே நிறுத்திக்க விரும்பல.

கதைகளை வாங்கி படம் செய்யும்போது அதுல ரெண்டு மூணு பேருடைய எண்ணங்கள் ஒன்று சேரும், புது விஷயங்களும் உருவாகும். ‘வட்டம்’, இப்ப இந்தக் காலகட்டத்திலே சொல்ல வேண்டிய கதையா தோணுச்சு. இந்தக் கதையை எடுத்துகிட்டு நாங்க எங்கயும் அலையவே இல்ல. ரெண்டு புரொடியூசர்கிட்ட கொடுத்தேன். ரெண்டு பேருமே தயாரிக்க முன்வந்தாங்க. அதிலே ட்ரீம் வாரியர் பிக்சர்ஸ் எஸ்ஆர் பிரகாஷ் பாபுவும் எஸ்ஆர் பிரபுவும் இப்ப இந்தப் படத்தை தயாரிச்சிருக்காங்க.

சத்யராஜ் சார்கிட்ட ஒவ்வொரு படத்திலும் ஒவ்வொரு விதமான வில்லத்தனம் பார்க்கலாம். ஆனால், எல்லாத்துலயும் கோவை குறும்பும் சேர்ந்து மிக்ஸ் ஆகி வித்யாசமா வெளிப்படும். அதனுடைய இந்தக்கால வெர்ஷனாதான் சிபியைப் பார்த்தேன். இந்தப் படத்தில் ஹீரோ கோவையைச் சேர்ந்தவர்.

கூடவே எதைப் பற்றியும் கவலைப்படாம தனக்கென ஒரு வாழ்க்கை வாழும் ஒரு ஆள். யாருடைய உணர்வுகளையும் பெரிதா சட்டை செய்யாத ஒரு கேரக்டர். அந்த பாத்திரத்திற்கு ரொம்ப அற்புதமாகப் பொருந்தினார். குறிப்பா அந்த கேரக்டர். அவருக்கு ஹீரோ... மத்தவங்களுக்கு வில்லனிக் கேரக்டர். அந்த ஷேடுக்குள்ள ரொம்ப அழகா சிபிராஜ் செட்டானார்.