‘‘வாய்க்கால்ல குளிச்சிட்டு இருந்தேன். அப்ப போன் வந்தது. எடுத்தா விக்கி சார்... ‘படம் ஆஸ்கார் என்ட்ரி ஆகியிருக்கு’னு அவர் சொன்னப்ப ஜிவ்வுனு இருந்தது...’’ மதுரை மண் மணம் வீச வெள்ளந்தியாக பேசுகிறார் பி.எஸ்.வினோத்ராஜ்.

நயன்தாரா, விக்னேஷ் சிவனின் ரவுடி பிக்சர்ஸ் தயாரிப்பில் பி.எஸ்.வினோத்ராஜ் இயக்கத்தில் உருவாகி இருக்கும் படம் ‘கூழாங்கல்’. இந்தப் படத்திற்கு இசை யுவன் ஷங்கர் ராஜா. உயரிய விருதான ‘டைகர்’ உட்பட சர்வதேச அளவில் ஏகப்பட்ட விருதுகளைக் குவித்துள்ள ‘கூழாங்கல்’ இப்போது அதிகாரபூர்வமாக இந்தியாவிலிருந்து ஆஸ்கர் விருதுக்கான பரிந்துரைப் பட்டியலுக்கு அனுப்பப்பட்டிருக்கிறது.

அப்படித்தான் ‘களவாணி’, ‘வாகைசூடவா’ சற்குணம் சாரை சந்திச்சேன். அவர் கூடவே தொடர்புல இருந்தேன். அடுத்து ஒரு பிரபல சேனல்ல குறும்பட நிகழ்ச்சில இயக்குநர் கிஷோருக்கு அசிஸ்டண்ட் டைரக்டரா வேலை செய்தேன்.

எனக்கு ஒளிப்பதிவுலதான் ஆர்வம். ஆனா, அசிஸ்டண்ட் டைரக்டரா இருந்தப்ப எல்லா வேலையையும் சேர்ந்து செய்யக்கூடிய வாய்ப்பு கிடைச்சது. இப்படி நான் இழுத்துப் போட்டு வேலை செய்யறதைப் பார்த்த எல்லாரும் ‘உனக்கு டைரக்‌ஷன் துறை நல்லா வரும்... அதுல அப்டேட் செய்துக்க’னு சொன்னாங்க...’’ என்னும் வினோத்ராஜ் தமிழ் சினிமா என்ட்ரி குறித்து குறிப்பிட்டார்.

படத்துல மூன்று முக்கியமான கேரக்டகள். இதுகூடவே லேண்ட்ஸ்கேப்பையும் ஒரு கேரக்டரா மாத்தினேன். இப்படி நண்பர்களோடு சேர்ந்து ஒரு பதினைந்து - இருபது நிமிட வீடியோவா உருவாக்கினோம். சாய் தேவணன் அண்ணன்தான் தயாரிப்பு செலவுகளை செய்தாரு. அவர் மூலமா ஆதவன் சார் உள்ள வர அதைத் தொடர்ந்து படம் இயக்குநர் ராம் சார் கிட்ட போச்சு.