‘சூரரைப் போற்று’, ‘ஜெய்பீம்’ என அரிதான பயோபிக் படங்கள்... நடிப்பிலும் நினைத்துப் பார்க்க முடியாத அளவிற்கு முதிர்ச்சி... சூர்யாவின் கிராஃப் நாளுக்கு நாள் அப்டேட் ஆகி வருவது பிளசன்ட் சர்ப்ரைஸ். 

பத்திரிகையாளரும் ‘கூட்டத்தில் ஒருவன்’ இயக்குநருமான த.செ.ஞானவேல் இயக்கத்தில் ‘ஜெய் பீம்’ படத்தில் நடித்து முடித்திருக்கிறார் சூர்யா. தீபாவளி சிறப்பாக இப்படம் ஓடிடி தளத்தில் வெளியாகவிருக்கும் நிலையில், நடிகரும் இப்படத்தின் தயாரிப்பாளருமான சூர்யாவை சந்தித்தோம்.

வழக்கறிஞரைத் தாண்டி ஒரு நல்ல மனிதருடைய பயோபிக் இது. நீதியரசர் சந்துருவின் வாழ்க்கையில் இருந்து எடுத்த ஒரு துளிதான் ‘ஜெய் பீம்’. ஒரு சாதாரண மனுஷனால இவ்வளவு மாற்றங்களைக் கொண்டுவர முடியுமா... இவ்வளவு சாதனைகள் செய்ய முடியுமானு வியக்க வைக்கும் மனிதர்தான் நீதிபதி சந்துரு.

ஸ்கிரிப்ட் படிக்கிறப்ப என்னையும் மீறி பல இடங்கள்ல எமோஷனல் ஆனேன். இதுதான் ரியல் ஹீரோயிஸம். அவர் வாழ்க்கைல ஒவ்வொரு வழக்கும் ஒரு கதைதான். அதுல 1993ல நடந்த ஒரு குறிப்பிட்ட வழக்கும் அதைச் சார்ந்த நீதியும்தான் படம்.

நடிப்பது... ஷூட்டிங் இதெல்லாம் ஜாலியான ஒரு விஷயம். ஆனா, ஒருநாள் வீட்ல குழந்தைகளை பார்த்துக்கும்போதுதான் அதுல எவ்வளவு பொறுப்புகள், சவால்கள் இருக்குன்னு தெரியும்.

அவருடைய ஒவ்வொரு வழக்கையும் ஒவ்வொரு படமா எடுக்கலாம். வாய்ப்பு கிடைச்சா சந்துரு சார் பயோபிக்கை ஒரு சீரிஸ் ஆகக் கூட செய்யலாம். ஆனா, இன்னொரு வழக்குனு கேட்டா... நிச்சயம் இப்ப சொல்ல மாட்டேன். வேறு யாராவது அதை படமா எடுத்துட்டா அந்தக் கதை எனக்கு கிடைக்காம போய்டுமே!

இது பயோபிக் படமா அல்லது சமூகப் பிரச்சனையை முழுக்க பேசப் போகிறதா? எந்த ஆதரவும் இல்லாத ஒரு பெண் அவங்க வாழ்க்கைக்காக போராடும்போது ஹைகோர்ட் வரை எப்படி அந்தப் பெண்ணால் வர முடிஞ்சுது... அதுக்கு அந்தப் பெண்ணுக்கு அறிமுகமே இல்லாத ஒரு மனிதர் எப்படி உதவி நீதி வாங்கிக் கொடுத்தார்... என்பதற்குப் பின்னால் ஒரு டிராவல் இருக்கு இல்லையா..? இதுதான் படம். இந்தப் பயணத்துல அந்தப் பெண் சந்திச்ச சமூகப் பிரச்னைகள் அனைத்தும் படத்தில் வரும்.

சமீபகாலமாகவே சமூகம் சார்ந்த படங்களில் நீங்களும் ஜோதிகாவும் நடிச்சிட்டு இருக்கீங்க... இது அக்கறையா? கோபமா? அல்லது எதிர்காலத் திட்டமா?

எந்தத்  தளமா இருந்தாலும் முறைப்படி சென்சாருக்கு போயிட்டுதான்  அந்தந்த தளத்துல ரிலீஸ் ஆகுது. இதனால தியேட்டரில் ஒரு  கருத்தைச் சொல்ல முடியுது... ஓடிடி களத்தில் வேறொரு கருத்தைச் சொல்ல முடியுதுனு இல்லை. எல்லா படமும் நம்முடைய சென்சாருக்கு  உட்பட்டுதான் ரிலீஸ் தளங்களுக்கு பயணிக்கிது.

‘ஜெய் பீம்’ மாதிரியான கதைகள் சினிமாவை அடுத்த தளத்திற்கு பயணிக்க வைக்கும்னு நினைக்கிறீங்களா?இதற்கான பதிலை இப்படி சொல்ல விரும்பறேன். உண்மைச்  சம்பவங்களை மையமா வைத்து ‘சூரரைப்போற்று’, ‘ஜெய் பீம்’ மாதிரியோ அல்லது விளையாட்டு வீரர்களின் சாதனைகளை அடிப்படையா வைச்சோ படம் எடுக்கும்போது நிச்சயம் ஏதோ ஒரு  பாதிப்பை மக்கள்கிட்ட ஏற்படுத்தும்.