கவிதை எழுதும் ஒன்பது வயது சிறுவன்!

நான் காலத்தை நிறுத்தி வைத்துக்
கடலில் போட்டேன்
காலம் கடலில்
கண்ணாடி போல மின்னியது
நான் காலத்தை முழுங்கி
நானே காலமாய் மாறினேன்
நான் காலத்தை முழுங்கியதும்
ஒரு மீன் போல் குதித்தேன்
காலம் என்னைக் கட்டிப்பிடித்தது
காலம் எனக்கு வானத்தில்
வீடு கட்டியது
நான் காலத்தைப் பார்த்து வரைந்து
காற்றில் மாட்டினேன்...

- கீச் மழலைக் குரலில் நிறுத்தி நிதானமாகக் கவிதை ஒன்றைச் சொல்லி நம்மை ஆச்சரியப்படுத்துகிறார் ஒன்பது வயதே நிரம்பிய மகிழ் ஆதன்.கடந்த ஏப்ரல் மாதம், ‘நான்தான் உலகத்தை வரைந்தேன்’ என்கிற கவிதைத் தொகுப்பை வெளியிட்டு அசத்தியிருக்கிறார் இந்தச் சிறார் கவிஞர்.