தமிழ்த் திரையுலகின் முதல் சூப்பர் ஸ்டார் எம்.கே.தியாகராஜ பாகவதர். இவர் நடித்த ‘ஹரிதாஸ்’ மூன்று தீபாவளியைத் தாண்டி திரையரங்குகளில் ஓடியது. தங்கத்தட்டில் சாப்பிட்டார், பன்னீரில் குளித்தார் என்று இப்போதும் அவரைப் பற்றிய கதையை யாராவது பேசிக்கொண்டே இருப்பார்கள்.

இப்படி திரையுலகில் ஒரு மன்னரைப் போல வலம் வந்த பாகவதரின் பேரன் சாய்ராமோ வாடகை கூடக் கொடுக்க முடியாமல் மிகுந்த வறுமையில் தவித்தார். இதைக் கேள்விப்பட்ட தமிழக முதல்வர் மு.க.ஸ்டாலின், சாய்ராமிற்கு ஐந்து லட்ச ரூபாயுடன் தங்குவதற்கு வீடும் வழங்கியுள்ளார். இந்த செய்திதான் திரைவட்டாரத்தில் இப்போது ஹாட் டாக்.

“தாத்தா தியாகராஜ பாகவதர் - பாட்டி ராஜம்மாளின் ஒரே மகள் அமிர்தலட்சுமி. அவருக்கு நான் உட்பட மூன்று மகன்கள்; ஒரு மகள். சிறுவயதிலேயே அப்பாவும் அம்மாவும் இறந்துட்டாங்க. ராஜம்மாள் பாட்டிதான் எங்களை வளர்த்து, படிக்க வச்சி எல்லாமுமாக இருந்தாங்க.

எங்களோட பள்ளிப்படிப்பு செலவுகளை எம்ஜிஆர்தான் பார்த்துகிட்டார். அவர் மறைவுக்குப் பிறகு ரொம்பவே கஷ்டப்பட்டோம். 2008ல பாட்டிக்கு உடல்நலக்குறைவு ஏற்பட்டுச்சி. அப்ப முதல்வர் கலைஞர் அய்யாகிட்ட முறையிட்டோம். அவர் ஒரு லட்சம் ரூபாய் கொடுத்து உதவினார்.

போன வருசம் இதே மாசத்துல எடப்பாடி பழனிச்சாமி அய்யா, ‘திரைப்படத்துறையிலும், பாரம்பரிய இசைத்துறையிலும் தியாகராஜ பாகவதரின் பன்முகப் பங்களிப்பையும், சாதனையையும் அங்கீகரிக்கும் வகையில், திருச்சி மாவட்டத்தில் 50 லட்சத்தில் எம்.கே.தியாகராஜ பாகவதர் உருவச் சிலையுடன்கூடிய மணிமண்டபம் அமைக்கப்படும்...’ என்று அறிவித்தார்.

அதை வாங்க மறுத்த பாகவதர், ஊரை மீண்டும் ஆங்கிலேயர்களிடமே தந்துவிட்டார். அத்துடன் ஒரு லட்ச ரூபாயை இந்திய சுதந்திரப்போராட்டத்திற்கு நிவாரண நிதியாக வழங்கிவிட்டார்.