யஷாஸ்வி ஜெய்ஸ்வால்… இப்போது இந்திய கிரிக்கெட் உலகம் உச்சரிக்கும் பெயர். கடந்த வாரம் நடந்த அண்டர் 19 உலகக் கோப்பை இறுதி ஆட்டத்தில் வங்காளதேசத்திடம் இந்திய அணி வீழ்ந்தது. இருந்தும், இதில் தொடர் நாயகன் விருதைத் தட்டிச் சென்று எல்லோர் மனதையும் கவர்ந்தார் தொடக்க ஆட்டக்காரரும் ஆல்ரவுண்டருமான யஷாஸ்வி ஜெய்ஸ்வால்.

இறுதி ஆட்டத்தில் 88 ரன்கள் குவித்தவர், அதற்குமுன் நடந்த அரையிறுதியில் சதம் அடித்து பாகிஸ்தானை மண்ணைக் கவ்வச் செய்தார். மட்டுமல்ல. ஒட்டு மொத்தமாக இந்தத் தொடரில் நானூறு ரன்கள் குவித்து கிரிக்கெட் ஆளுமைகளையும் ரசிகர்களையும் புருவம் உயர்த்தச் செய்தார்.

இதனால், இந்திய அண்டர் 19 வரலாற்றில் ஷிகர் தவானுக்குப் பிறகு அதிக ரன்கள் குவித்த இரண்டாவது வீரர் என்ற பெருமையைப் பெற்றார். உத்தரப்பிரதேச மாநிலத்தை பூர்வீகமாகக் ெகாண்ட இந்த இளம் வீரர் இன்று மும்பை அணிக்காக ஆடிவருகிறார். இதன் பின்னணியில் ஒரு சோகக் கதை உள்ளது.