காந்தி கிருஷ்ணா என்று பெயரைச் சொன்னால், சினிமாவுக்கு மிகவும் நெருக்கமானவர்கள் தவிர மற்றவர்களுக்கு உடனே நினைவுக்கு வராது.ஆனால் -அவர் இயக்கிய படங்களைச் சொன்னால் படம் மனத் திரைக்குள் ஓடும். 

நல்ல படம் இயக்கிய சில இயக்குனர்கள் தொடர்ந்து படம் இயக்காமல் விட்டு வி்டுகிறார்கள். இதற்கு காரணம்  இரண்டு. போதும் என்கிற திருப்தி. மற்றொன்று அடுத்வர்களிடம்  வாய்ப்பு கேட்டு நிற்காத தன்மை. காந்தி கிருஷ்ணா இதில் எந்த வகை என்று தெரியவில்லை.

ஷங்கரிடம் உதவியாளராக இருந்து சினிமா கற்றவர்தான் காந்தி கிருஷ்ணா. அவரிடமிருந்து வெளியில் வந்து அவர் இயக்கிய  முதல் படம் ‘என்ஜினியர்’. இதில் அரவிந்த்சாமி ஹீரோ,  பாலிவுட் நடிகை மாதுரி தீட்சித் ஹீரோயின்.

அப்போது அரவிந்த்சாமியும், மாதுரி தீட்சித்தும் இருந்த லெவலே வேறு. ஒரு முதல்பட இயக்குநரின் படத்தில் அவர்கள் நடிக்கிறார்கள் என்றதுமே இந்தியத் திரையுலகம் மொத்தமுமே பரபரப்பானது. ஏ.ஆர்.ரகுமான் இசை வேறு. ஜீவா ஒளிப்பதிவு.

இன்றுவரை ‘என்ஜினியர்’ என்ன கதி ஆனார் என்று யாருமே சொல்லவில்லை. படம் தயாராகியும் வெளியாகவில்லை.அதன் பிறகு காந்திகிருஷ்ணாவை கிட்டத்தட்ட அனைவருமே மறந்துவிட்டார்கள்.

திடீரென, ஒரு அழகான படத்தோடு வந்து நின்றார். அந்தப் படம்தான் ‘நிலாக்காலம்’.  ஒரு நடிகைக்கும், ஒரு குழந்தைக்குமான உறவை மிகச்சிறப்பாகவே சொன்ன படம் அது.  நடிகையாக ரோஜா நடித்திருந்தார். ஏனோ தெரியவில்லை. ரசிகர்களை இந்தப் படம் அவ்வளவாக ஈர்க்கவில்லை.

‘செல்லமே’ வெற்றியைத் தொடர்ந்து ‘ஆனந்த தாண்டவம்’ என்கிற படத்தை இயக்கினார்.  சித்தார்த், ருக்மணி விஜயகுமாரோடு தமன்னா நடித்தார். இது எழுத்தாளர் சுஜாதாவின் கதை. ‘செல்லமே’ அளவிற்கு வெற்றி பெறாவிட்டாலும் தோல்விப் படம் அல்ல.

1997ல் ‘என்ஜினியர்’ மூலம் இயக்குநராகிய காந்திகிருஷ்ணா, 2009ல் வெளிவந்த ‘ஆனந்த தாண்டவம்’ வரையில் 12 ஆண்டுகளில் இயக்கிய படங்கள் மொத்தமே இவ்வளவுதான். வெளிவந்த மூன்று படங்களுமே ஒவ்வொரு வகையில் சிறப்பானவைதான்.