தேங்காய்ப்பால் முறுக்கு
என்னென்ன தேவை?
பச்சரிசி - 5 கப், உளுத்தம்பருப்பு - 1 கப், சீரகம் - 2 டீஸ்பூன், வெள்ளை எள் - 2 டீஸ்பூன், உப்பு, தேங்காய்ப்பால் - தேவையான அளவு.
எப்படிச் செய்வது?
பச்சரிசியை கழுவி நிழலில் உலர்த்திக் கொள்ளவும். உளுத்தம் பருப்பை பொன்னிறமாக வறுத்துக் கொள்ளவும். இரண்டையும் சேர்த்து மாவு மில்லில் கொடுத்து அரைத்துக் கொள்ளவும். இந்த மாவில் 3 கப் எடுத்து அதனுடன் சீரகம், எள், உப்பு கலந்து தேங்காய்ப்பால் சேர்த்து பிசையவும். சூடான எண்ணெயில் ஐந்து கண் உள்ள அச்சை முறுக்கு பிழியும் நாழியில் போட்டு மாவை போட்டு முறுக்கு பிழிந்து பொன்னிறமாக வந்ததும் எடுத்து பரிமாறவும்.
|