எம்.எஸ்.ஸின் ‘காற்றினிலே வரும் கீதம்’ உலகில் சங்கீதம் உலவும் வரையில் இருக்கும்.

‘மரங்களின் தாய்’ வாங்கரி மத்தாய் பற்றிப் படித்ததும் பெண் என்பவள் தன் குழந்தைக்கு மட்டுமல்ல... இயற்கைக்கே பொதுவானவள் என்கிற எண்ணம் மேலோங்கியது.

‘அந்தமானைப் பாருங்கள் அழகு’ என எங்களை சுற்றுலா செல்ல தூண்டிவிட்டு விட்டீர்கள்!

‘எந்த எண்ணெயில் என்ன இருக்கிறது?’ என்பதை தெளிவாக விளக்கிய ‘குங்குமம் தோழி’யை எண்ணெயினாலேயே அபிஷேகம் செய்து பாராட்ட வேண்டும்!

அடிக்கடி விரதம் கடைப்பிடிக்கும் என் போன்றவர்களுக்கு ‘விரதம் ஏன்? எது? எப்படி? எப்போது?’ கட்டுரை வரப்பிரசாதம்!

புஷ்பவனம் குப்புசாமி நல்ல பாடகர் மட்டுமல்ல... நல்ல கணவரும்கூட!

நடிகை சரண்யா தேசிய விருது பெற்றாலும்கூட, ‘பிள்ளைகளுக்கு நடிப்பு வேண்டாம்... படிப்பே போதும்’ என கவனமாக இருப்பது மிகவும் மகிழ்ச்சியாக இருக்கிறது.

சம்மர் கேம்ப் விவாதம் - பிரமாதம். ஒவ்வொரு பெற்றோரும் படித்து, கடைபிடிக்க வேண்டும். மெஷினுக்கு கூட ஓய்வு தேவைப்படுகிறது. பாவம்... குழந்தைகள் மட்டும் விதிவிலக்கா?

தேங்காய்நார் கழிவில் இவ்வளவு அதிசயமா? பெண்களுக்கான சட்ட தகவல்களும் அருமை!

‘அம்மான்னா உயிர்’ என்ற சிவகார்த்திகேயனின் தாய்ப்பாசம்தான் அவரை இந்த உயரத்துக்குக் கொண்டு வந்திருக்கிறது.

பேச்சியம்மாள், புதுசத்திரம் மற்றும் வே.அருணாதேவி, வடமாதிமங்கலம்.

பெண் பாடலாசிரியை இசை = திறமை + தன்னம்பிக்கை!

மனவளர்ச்சிக் குறைபாடு உள்ள குழந்தைகளுக்கு அம்பிகா காமேஷ்வர் அர்ப்பணிப்பு உணர்வோடு செய்யும் தொண்டு பாராட்டுக்குரியது.

சினிமா துறையிலும் பெண்கள் புகுந்து கலக்குவது ‘எங்கெங்கு காணினும் சக்தியடா’ என்ற பாரதியின் வரிகளை ஞாபகப்படுத்தியது.

கிராமத்து விளையாட்டுகள் என் இளம்பருவத்தை ஞாபகப்படுத்தியது.

24 மணி நேரத்தையும் உபயோகமாக, திட்டமிட்டுச் செயல்படும் கமீலா நாசரின் சாமர்த்தியம் பாராட்டுக்குரியது.