‘விடுதலை 2’ படமும் சரி, அதற்கான சப்டைட்டில் வேலையும் சரி, எமக்கான பணியாக இருந்தன. இன்று அவை நமக்கான பணியாகி இருக்கிறது.வாசிப்பில்லாதவர்களால் விடுதலை படத்தையும், மார்க்சியத்தையும் புரிந்துகொள்ள முடியாது. 

இப்படியாக படத்தில் தனது சப்டைட்டில் அனுபவம் குறித்து ட்வீட் ஒன்றை பகிர்ந்திருந்தார் கவிதா கஜேந்திரன்.

அம்மா ஜெயபாரதிக்கு ஊர் ராயபுரம். அப்பா கஜேந்திரன் கொடுங்கையூர். அதனால் நான் படித்தது, வளர்ந்தது எல்லாமே வடசென்னையில்தான். கொடுங்கையூரோட தடாலடி வாழ்க்கைக்குள்தான் வளர்ந்தேன். பெரும்பாலும் படித்தது கிறிஸ்தவ மிஷினரி பள்ளிகளாகவே இருந்தது. 

இதனால் எளிய மக்கள் மீது ஒரு பச்சாதாபம் இருந்துகொண்டே இருந்தது. பள்ளி ஆசிரியர் ஒருவர் ஆங்கிலத்தில் ஆர்வத்தை ஊட்ட, வாசிப்பு பழக்கமும் ஏற்பட்டது. பூலான் தேவியின் வாழ்க்கை வரலாறு நூலை 8ம் வகுப்பு படிக்கும் போதே படித்து முடித்திருந்தேன். ஆங்கில இலக்கியம், நாவல் என வாசிப்புத் தொடர, நான் பார்க்காத வேறொரு உலகத்திற்குள் புத்தகங்கள் அழைத்துச் சென்றது. பள்ளி முடித்ததும், அண்ணா ஆதர்ஷ் கல்லூரியில்

அப்போது இந்தியாவின் அரசியல் சூழல் மாறி மதச் சார்பின்மைக்கான பேரணி ஒன்று ரதயாத்திரையாக கிளம்ப, இளைஞர்கள் பலர் அதில் இணைகிறார்கள். இறுதியில் அது மக்கள் மேடைப் பயணமாக மாற, நானும் அதில் இருக்கிறேன். 

தமிழ்நாடு முழுக்க 15 மாவட்டங்களைக் கடந்து, தொடர்ந்து 20 நாட்கள் நடைபெற்ற பயணம் அது. பிறகு, தேசிய அளவிலான கூட்டமைப்பு ஒன்றினை, ஆக்டிவிஷ்ட் ஷப்னம் ஆஷ்மி தலைமையில், பெண்கள் அமைப்புகள் இணைந்து நடத்த, 2019 தேர்தலை ஒட்டி தேசிய இயக்கம் ஒன்று ஆரம்பிக்கப்படுகிறது.

கொடுத்த அனுபவமும், கூடவே The WIRE, PARI போன்ற இணைய தளங்களுக்கு மொழியாக்கம் செய்த அனுபவமும் இருந்தது. 

அவரின் Grassroot பட  நிறுவனம் தயாரிப்பில், கோபிநயினார் இயக்கிய, “மனுஷி” படத்தில் சப்டைட்டில் செய்யச் சொல்லி முதலில் கேட்டார். அதுவும் அரசியல் படம்தான். எனது வேலை அவர்களுக்கு பிடிக்கவே, விடுதலை 2 பட சப்டைட்டில் வாய்ப்பு வந்தது.

முதல் பாகத்திற்கு ஏற்கனவே சப்டைட்டில் செய்யப்பட்டு இருந்தது. இரண்டாவது பாகத்திற்கு மட்டுமே நான் சப்டைட்டில் செய்ய, இரண்டு பாகத்தையும் இணைத்து நான்கரை மணி நேரம் ஓடக்கூடிய படம் ஜனவரியில் ராட்டர்டேம் பிலிம் பெஸ்டிவல் செல்ல, 30 நிமிடம் எழுந்து நின்று (standing ovation) இந்தப் படத்திற்கு கைதட்டினார்கள். 

ஒரு சின்ன வார்த்தை, ஒரு சொல்லாடலை உபயோகப்படுத்துவதற்காக  சரியான ஆங்கில மொழி பெயர்ப்பைத் தேடும்போதே, அது என்னை வேறொரு வாசிப்புத் தளம், வெவ்வேறு புத்தகங்கள் என அழைத்துச் சென்றது. பல்வேறு வாசிப்புகளுக்குள் சென்று வந்தேன்.

என்னை நம்பி கொடுக்கப்பட்ட இந்த வேலையில், என்னை மறுபடியும் ரிவைல் பண்ணிக்கொள்ளக்கூடிய ஒரு தருணமாகவும், பல வாசிப்புக்கு இட்டுச் செல்லும் இடத்திலும் படம் இருந்தது. 

பொலிட்டிகலாக நிறைய உரையாடல்களை நிகழ்த்தியது. வாத்தியார் அரசியல் பாடம் எடுக்குற மாதிரியான உணர்வையே படம் எனக்குத் தந்தது. படத்தில் சில விஷயங்களை மாற்ற மாற்ற, சப்டைட்டிலும் மாறிக்கொண்டே இருந்தது. நாளை படம் வெளியாகும் நிலையில், முதல்நாள் வரை வேலையிருந்தது.

சரியான வார்த்தைக்குள் (vocabulary) நுழைவது. இயக்குநர் வெற்றிமாறனின் பார்வையில் வரும் இந்தப் படம், எந்த இடத்திலும் தவறாக சிதைந்துவிடக்கூடாது என்பதில் நான் தெளிவாக இருந்தேன். அவர் யோசித்த அரசியல் தன்மையோடு (political correctness) கொடுக்க வேண்டும் என்பதுதான் அவர் எனக்கு கொடுத்திருக்கும் வேலை. 

இதற்காக நிறைய மெனக்கெட்டேன். இந்தப் படத்தில் வாத்தியார் எந்தவொரு டயலாக்கையும் சுலபமாகப் பேசியிருக்கவே மாட்டார். அவரின் வசனங்களை அவர் சொல்ல வருகிற நோக்கத்துடனே கொடுக்க வேண்டும் என்றே நினைத்தேன்.

சாதிய ஒடுக்குமுறை, பண்ணை ஒடுக்கு முறை, தொழிற்சங்க பிரச்னைகளை காண்பித்து, இன்றைக்கு இருக்கின்ற தாராளமயமாக்கலுக்குள் நுழைந்த அரசியல் பாடத்தை இந்தப் படம் காட்டுகிறது. புனைவு கதைக்குள் சின்ன அரசியலை நம் வரலாற்றில் இருந்து எடுத்து வைக்கிறார். மணலூர் மணியம்மையின் பாத்திரத்தையும் புனைவுக்குள் கொண்டு வருகிறார்.

இன்றைக்கு மணலூர் மணியம்மை பற்றி நிறைய பேர் பேசுகிறார்கள். மஞ்சுவாரியர் அந்த கேரக்டரை தன் பாத்திரத்தில் வெளிப்படுத்தும்போது அது பேசுபொருளாகிறது. நடந்து முடிந்த சென்னை புத்தகக் காட்சியில் மக்கள் அதிகம் தேடிய புத்தகங்கள் புலவர் கலியபெருமாள் மற்றும் தமிழரசன் வரலாறு.

“தத்துவம் இல்லாத தலைவர்கள் ரசிகர்களைத்தான் உருவாக்க முடியும்” போன்ற வசனங்களும் அழுத்தமாகவே இருந்தது. எத்தனையோ வில்லன்களை இந்த தமிழ் சினிமா பார்த்திருந்தாலும், ஒரு தலைமைச் செயலாளரை வில்லனாக இந்தப் படத்தில்தானே பார்த்தோம். 

இடதுசாரி சித்தாந்தத்திற்குள் நுழைந்து படம் செய்வது சுலபமில்லை. இப்படியான ஒரு படத்தை எடுக்கிறார் என்றால், மார்க்ஸ் குறித்து வாசிக்கிறார். மார்க்சீய தத்துவங்கள், சித்தாந்தங்களை புரிந்துகொள்கிறார் என்றுதானே புரிந்துகொள்ள வேண்டும்.