‘‘சென்னை, ஸ்ரீபெரும்புதூரில்தான் வளர்ந்தேன், படிச்சேன். சின்ன வயசில் இருந்தே எனக்கு ஏதாவது புதுமையாகவும், கலைநயத்துடன் செய்ய வேண்டும்னு விருப்பம். அந்த தாக்கம்தான் இப்போது நினைவாகி இருக்கிறது’’ என்கிறார் ஆர்த்தி. 

இவர் சென்னை, ஆர்.ஏ.புரத்தில் ‘ரேர்லில்லி’ என்ற பெயரில் ஒரு அழகிய இன்டீரியர் கடையினை அமைத்துள்ளார். இதில் முழுக்க முழுக்க வீட்டினை அலங்கரிக்கக்கூடிய அனைத்துப் பொருட்களையும் காட்சிப்படுத்தியுள்ளார். வீட்டின் உள்ளலங்காரம் குறித்தும் ஆலோசனை வழங்கி வருகிறார்.

அப்பவே என் மனதில் இந்த துறையில் ஏதாவது செய்ய வேண்டும் என்ற எண்ணம் ஏற்பட்டது. ஆனால் அப்போது அதனை செயல்படுத்த  முடியவில்லை. படிப்பு முடிச்சதும், இன்டீரியர் துறையில் வேலை பார்த்தேன். அதன் பிறகு நான் தனிப்பட்ட முறையில்  பிராஜக்ட்களை எடுத்து செய்ய ஆரம்பித்தேன். 

அப்படி நான் செய்த ஒரு புராஜக்ட்தான் இந்தக் கடையை ஆரம்பிக்க மூலக் காரணம். இந்தக் கடையை நானும் என் சகோதரர் ஆதர்ஷ் இருவரும் இணைந்து நிர்வகித்து வருகிறோம்’’ என்றவர், அவரின்பயணம் குறித்து விவரித்தார்.

செல்கிறோம். அவை அனைத்தும் ஒரே இடத்தில் கிடைக்குமாறு அமைக்க திட்டமிட்டேன். 

அந்த எண்ணத்தின் பிரதிபலிப்புதான் ‘ரேர்லில்லி’. மேலும் சென்னையில் இது போன்ற கடை இல்லை. அதற்கான வாய்ப்பு வெற்றிடமாக இருந்தது. அதை முதலில் ஏற்படுத்த விரும்பினேன்’’ என்றவர், நிறுவனத்தின் பணிகளைப் பற்றி விவரித்தார்.

சில சமயம் அவர்கள் விரும்பும் பொருட்கள் எங்க கடையில் இருக்கும். இல்லாத போது அதனை நாங்களே அமைத்து தருவோம். அதே சமயம் எங்க கடையில் உள்ள பொருளை அவர்களின் வீட்டின் அமைப்பிற்கு ஏற்பவும் மாற்றித் தருவோம். 

வீட்டிற்கான ஸ்டைலிங்கும் செய்கிறோம். வாடிக்கையாளர்கள் தேவையை சொன்னால் போதும், அதற்கு ஏற்ப அனைத்தும் நாங்க குழுவாக இணைந்து செயல்படுத்தி தருவோம். புது வீடு மட்டுமில்லாமல் பழைய வீட்டையும் அழகாக மாற்றியமைக்க முடியும்.

இவை தவிர பழங்காலத்தில் பயன்படுத்திய பொருளை இன்றைய காலக்கட்டத்திற்கு ஏற்ப மாற்றியும் அமைத்து தருகிறோம். உதாரணத்திற்கு 20ம் நூற்றாண்டை சேர்ந்த அழகான பித்தளை திரி விளக்கினை எலக்ட்ரிக் விளக்காகவும் மாற்றியுள்ளோம். 

எங்கக் கடையின் சிறப்பு 3டி கண்ணாடிகள். உங்களுக்கு மனசுக்கு நெருக்கமானவர்களின் புகைப்படத்தினை கண்ணாடியில் 3டி வடிவில் அழகான சுவர் அலங்காரமாக அமைத்து தருகிறோம்’’ என்றவர், ஒரு வீட்டினை அமைப்பது குறித்து ஆலோசனை வழங்கினார்.

‘‘வீட்டிற்கு உள்ளலங்காரம் செய்யும் போது ஒரு தீமினை பின்பற்ற வேண்டும். மார்டனாக அமைக்க வேண்டும் என்றால் அதற்கேற்ப பொருட்களை கொண்டு திட்டமிடலாம். மாறாக பழமையாக இருக்க வேண்டும் என்றாலும் அவ்வாறு செய்யலாம். அப்படி இல்லாமல் ஒரு அறையினை ஒரு மாதிரியும் மற்ற அறையினை வேறு மாதிரியும் அமைத்தால் வீடு முழுமை அடைந்த உணர்வினை கொடுக்காது. அதே போல் வீட்டின் சுவர் நிறங்களும். 

பெரும்பாலானவர்கள் பேஸ்டல் நிறங்களை விரும்புகிறார்கள். அப்படி இல்லாமல் அடர்ந்த மற்றும் பேஸ்டல் நிறங்கள் இரண்டையும் கலந்து சுவற்றினை அழகுப்படுத்தலாம். அடர்ந்த நிறத்தை விரும்பினால், அந்த அறைக்கு வைக்கக்கூடிய பொருட்களை அதற்கேற்ப வைத்தால் பார்க்க அழகாக இருக்கும்.

முன்பு மக்கள் வீட்டினை மார்டனாக அமைத்தார்கள். இன்று தங்களின் வீடு பாரம்பரியத்தை தழுவி இருக்க வேண்டும் என்று நினைக்கிறார்கள். அதனால் மார்டர்ன், பாரம்பரியம் இரண்டையும் இணைத்து அமைத்துத் தரச் சொல்கிறார்கள். 

முழுக்க முழுக்க மார்டனாக அமைக்கப்படும் வீடுகள் ஓட்டல் அறை போல் இருப்பதாக நினைக்கிறார்கள். வேலைக்கு சென்று வீட்டிற்குள் வரும் போது, அது மனசுக்கு நிறைவைத் தரவேண்டும் என்பதுதான் அவர்களின் எதிர்பார்ப்பாக இருக்கிறது. அதைத்தான் நாங்க பூர்த்தி செய்து வருகிறோம்’’ என்றவர், தன் எதிர்காலம் குறித்து நீண்ட பட்டியலிட்டார்.