‘‘கபாலி மேல போலீஸ்காரங்க கோபமா இருக்காங்களே... ஏன்?’’
‘‘தீபாவளிக்கு 8.33% போனஸ் மாமூல்தான் தரமுடியும்னு கறாரா
சொல்லிட்டானாம்!’’

‘‘என்னது... இலையில சங்கு சக்கரம் சுத்துது?’’
‘‘ஐயோ மாப்ளே... இன்னும் தெளியலையா? நல்லா பாருங்க... அது ஜாங்கிரி!’’

‘‘பட்டாசு வெடிச்சதும் உள்ளே இருந்து ஒரு பேப்பர் வருதேய்யா... எதுக்கு?’’
‘‘இது குற்றப் பத்திரிகை வெடி தலைவரே..!’’

‘‘இந்த வெடியோட எதுக்கு ரிமோட் தர்றீங்க..?’’
‘‘உங்களுக்கு சவுண்ட் அலர்ஜின்னா, வெடிக்கும்போது ம்யூட்ல போட்டுக்கலாம்..!’’

தீபாவளி தத்துவம்
என்னதான் ஜா‘மூன்’னாலும் அதை ‘சன்’ஃபிளவர் ஆயில்லதான் செய்ய
முடியும்!
- ஆயிலை வைத்து தத்துவங்களை பாயில் செய்வோர் சங்கம்

‘‘வெங்காயம் விலை ஏறியிருக்கறது வாஸ்தவம்தான்... அதுக்காக வெங்காய வெடியையும் கன்னாபின்னான்னு விலை ஏத்தியிருக்கிறது ரொம்ப ஓவர்!’’

ஸ்பீக்கரு
‘‘தலைவர் குடித்துக் குடித்து சேகரித்து வைத்துள்ள காலி பாட்டில்களை ‘ராக்கெட் வெடி’ விட சிறார்களுக்கு இப்போது இலவசமாக வழங்குவார் என்று தெரிவித்துக் கொள்கிறேன்!’’