வாலிபக் கவிஞர் வாலிக்கு சக கவிஞர்கள் அஞ்சலி செலுத்தியிருந்ததைப் படித்து கண்கள் பனித்தன. மேலுலகையும் பாடல் எழுதி மகிழ்விக்கத்தான் காலன் அவரை பாசக் கயிறிட்டு அழைத்துச் சென்றானோ!

ஹோட்டலில் வாட்டர் பாயாக இருந்து, இன்று கெமிக்கல் எஞ்சினியர் ஆகி இருக்கும் பொன்னுதுரை, வளரும் தலைமுறைக்கும் பெரியதொரு பென்ச் மார்க். தன்னம்பிக்கை, முயற்சி மற்றும் உழைப்புக்கு வெற்றி நிச்சயம் என்பதை அவர் நிரூபித்துக் காட்டி விட்டார்.  

நாளாக நாளாக நயனுக்கு வயது குறைகிறதோ! ‘இது கதிர்வேலன் காதல்’ பட ஸ்டில்களில் உதயநிதி ஜோடியாக அவர் தோற்றம் செம ஃப்ரெஷ்!

‘மீட்டர் உண்டு... பில்லும் உண்டு...’ என்று சொல்லும் ‘நம்ம ஆட்டோ’, ஆச்சரியப்பட வைத்தது. மக்களுக்கு பயனுள்ள இந்த சேவை, சென்னையைத் தாண்டி தமிழகம் முழுக்கப் பரவ வேண்டும் என வாழ்த்துவோம்!

‘ஷூட்டிங் ஸ்பாட், ஜிம், வீடு தவிர வேறு எங்கேயும் விக்ரமைக் காண முடியாது’ என்பது ஓகே. அதற்காக, புகைப்படத்தில் கூடவா சரியாகக் காட்டக் கூடாது? இப்படி மறைத்து வைத்து வரப் போகும் ‘ஐ’ என்னென்ன ஆச்சரியங்களைத் தரப் போகிறதோ!

‘ஆதார்’ அட்டையைப் பற்றிய மக்களின் குழப்பங்கள், சந்தேகங்களைத் தீர்த்ததுடன், அதை எப்படிப் பெற வேண்டுமென வழிமுறையும் சொன்ன ‘குங்குமம்’ இதழின் சமூகப் பொறுப்புக்கு ஹேட்ஸ் ஆஃப்!

டென்ஷனைக் குறைக்கும் நடனப் பயிற்சியா? உங்கள் போட்டோவில் இருப்பது போல அழகுப் பெண்கள் நடனமாடினால் பார்ப்பவர் டென்ஷன் குறைவது நிச்சயம். ஆடுகிறவர் டென்ஷனும் குறைவதுதான் ஆச்சரியம்!

நகைச்சுவை மன்னர் நாகேஷ் வாழ்வில் சோக வடுகள் நிறைந்துள்ளதை நடிகர் சிவக்குமார் வழி அறிந்தபோது மனம் கனத்தது. அதிலும், நாகேஷின் அம்மா பற்றிய அந்த சோக நிகழ்ச்சி, கண்களைக் குளமாக்கிவிட்டது!