‘‘ஜெயில்ல இருக்கிற நம்ம தலைவரோட தண்டனைக் காலத்தை அதிகரிச்சுட்டாங்களா... எதுக்கு?’’
‘‘ஜெயில்ல தோட்ட வேலை பார்க்குற சாக்குல அங்கே கஞ்சா செடி பயிரிட்டுட்டாராம்..!’’

‘‘ஏன் கபாலி... டூரிஸ்ட்டா வந்த அமெரிக்காகாரன்கிட்டயே உன் கைவரிசையை
காட்டிட்டியே?’’
‘‘நம்ம தொழில்ல இப்போ அந்நிய முதலீட்டையும் ஆதரிக்கிறோம் ஏட்டய்யா!’’
    
என்னதான் ரொம்ப ரொம்ப ஸ்பீடா மந்திரம் சொன்னாலும், அதை ‘ஸ்பீடு கம்’னு
சொல்ல முடியாது...
‘ஸ்லோகம்’னுதான்
சொல்லணும்!
- புரோகிதருக்கே மந்திரம் சொல்லிக்
கொடுத்து அர்ச்சனை செய்வோர் சங்கம்

‘‘தலைவரே...
ஸ்கோர் என்ன?’’
‘‘இந்த வாரம் மூணு எம்.எல்.ஏக்கள்
ஓடியிருக்கறாங்க...’’
‘‘தலைவரே... நான் கிரிக்கெட் ஸ்கோர் கேட்டேன்..!’’

‘‘வெளியூர்ல இருந்து திருட வர்றவங்களை துரத்தறதுக்குன்னே கபாலி ஒருத்தனை வெச்சிருக்கானாமே..?’’
‘‘ஆமாம் ஏட்டய்யா! கும்கி திருடனாம்...’’

‘‘வழியில் இரண்டு, மூன்று பார்களைக் கடந்து தலைவர் வர வேண்டியிருப்பதால் கால தாமதத்திற்கு மன்னித்து, தலைவர் வரும் வரை அனைவரும் அமைதி காக்கும்படி அன்புடன் கேட்டுக் கொள்கிறேன்!’’

‘‘குற்றப் பத்திரிகை வாங்கின தலைவர் குஷியா இருக்காரே... என்ன விஷயம்?’’
‘‘இலவச இணைப்பா ‘முன்ஜாமீன் வாங்க சில யோசனைகள்’னு புத்தகம் கொடுத்தாங்களாம்..!’’