என்னதான் ஒருத்தர் நீச்சல்ல சாம்பியன்னாலும், அவரால மகிழ்ச்சி வெள்ளத்தில் எல்லாம் நீந்த முடியாது

‘‘தலைவருக்கு பேராசை அதிகமாயிடுச்சா... எப்படிச் சொல்றே?’’
‘‘நூறு கோடியில தனக்கும் சிலை வைக்கச் சொல்லி கேட்கறாரே..!’’

என்னதான் பெண்கள் நிர்வாகம் பண்ணினாலும், பற்றாக்குறை பட்ஜெட்னா ‘துண்டு’தான் விழும்; ‘துப்பட்டா’ எல்லாம் விழாது!
- துப்பட்டா... துப்பட்டா...
என வாயில் ஜொள்ளோடு
அலைவோர் சங்கம்

‘‘இந்த டாக்டருக்கு மட்டும் நிறைய பேஷன்ட்ஸ் வர்றாங்களே... எப்படி?’’
‘‘ஐ.பி.எல் மேட்ச்களில் ஆடிய சியர் கேர்ள்ஸை நர்சுகளா வேலைக்கு வச்சிருக்காராம்...’’

‘‘தலைவரை திடீர்னு போலீஸ் அரெஸ்ட் பண்ணிக் கூட்டிட்டுப் போகுதே... ஏன்?’’
‘‘கிரிக்கெட் சூதாட்டத்தில் எந்தெந்த வீரருக்கு தொடர்பு இருக்குன்னு ஒரு சூதாட்டம் நடத்தி நிறைய சம்பாதிச்சிட்டாராம்!’’

‘‘வெற்றியடையும் நிலையில் இருந்த நம் படை கடைசி நேரத்தில் தோல்வி நிலைக்குச் சென்றது எப்படி தளபதியாரே..?’’
‘‘புக்கிகள் மூலம் போர் ஃபிக்ஸிங் நடந்திருக்கும் என நினைக்கிறேன் மன்னா!’’

‘‘தலைவரோட புத்தி ஏன்தான் இப்படிப் போகுதோ..!’’
‘‘ஏன்... என்னாச்சு?’’
‘‘கிரிக்கெட்ல ‘மேட்ச் ஃபிக்சிங்’ மாதிரி, தேர்தல்ல ‘வோட் ஃபிக்சிங்’ பண்ண முடியுமான்னு கேக்கறாரே..!’’