‘‘சிஸ்டர்! உங்க டாக்டருக்கு இன் பேஷன்ட்ஸ் ஜாஸ்தியா... அவுட் பேஷன்ட்ஸ் ஜாஸ்தியா?’’
‘‘டாக்டரால அவுட்டான பேஷன்ட்ஸ்தான் ஜாஸ்தி!’’

‘‘தொண்டர்கள் கூலி உயர்வைத் திரும்பப் பெறா விட்டால், நாங்கள் பொதுக்கூட்டங்கள் நடத்துவதையே அடியோடு நிறுத்த வேண்டிவரும் என எச்சரிக்கையோடு சொல்லிக் கொள்ள விரும்புகிறேன்..!’’

‘‘என்னய்யா இது... மாமூல்னு சொல்லி கபாலி ஒரு ரூபா குடுத்துட்டுப் போறான்..?’’
‘‘இன்னைக்கு மலிவுவிலை உணவகத்துலதான் திருட முடிஞ்சுதாம்..!’’

என்னதான் தூங்கிக்கிட்டிருக்கிறவர் முகத்துல டார்ச் லைட் அடிச்சு தொந்தரவு பண்ணாலும், அதை ‘டார்ச் லைட்’னுதான் சொல்லுவாங்க. ‘டார்ச்சர் லைட்’னு சொல்ல மாட்டாங்க!

‘‘தலைவர் தப்புக்கணக்கு எழுதி ஊழல் பண்றதா இருந்தா ஒரு டாக்டரை வச்சுத்தான் கணக்கு எழுதுவாரு...’’
‘‘ஏன்..?’’
‘‘அப்பதான் கையெழுத்து புரியாம சி.பி.ஐ தலையை பிச்சிக்குமாம்!’’

பால் கெட்டா குப்பையில கொட்டிடலாம்; பழம் கெட்டா குப்பையில கொட்டிடலாம்... ஆனா, தூக்கம் கெட்டா அதை குப்பையில கொட்ட முடியுமா?
- விடிய விடிய விழித்திருந்து யோசிப்போர் சங்கம்

‘‘தலைவர் மேடைதோறும் குட்டிக் கதை சொல்லியிருக்க
வேண்டாம்...’’
‘‘ஏன்... என்னாச்சு?’’
‘‘கதை கேட்டுத்தான் கால்ஷீட் கொடுப்போம்னு தொண்டர்கள் இப்ப கறாரா சொல்றாங்களாம்..!’’