சூப்பர் ஸ்டாருக்கு ஒரு ‘பாயும் புலி’ போல் சசிகுமாருக்கு ஒரு ‘குட்டிப்புலி’யோ!

வாஸ்து என்ற பெயரில் வலம் வரும் கிறுக்குத்தனங்களுக்கு பாம்பு வளர்ப்பே சாட்சி. ஆனால், வாஸ்துவுக்காக ஏன் பாம்பை வளர்க்க வேண்டும்? அதைவிட மோசமான ஜந்துவான மனிதனே வீட்டில் வளர்கிறானே!

‘இனி தேவையில்லை இன்சுலின்’ என்பது, கசப்பின் விளிம்பில் இருக்கும் சர்க்கரை நோயாளிகளுக்கு இனிப்பான செய்தி! ‘பீட்டாட்ராபின்’ ஊசிக்கு ஒரு ஓ போடுவோம்!

அய்யோ பாவம்... எக்கச்சக்க செலவு செய்து வெளியே வந்து விட்டாலும், நம்ம ‘பவர் ஸ்டார்’, இப்ப ‘பவர்’ கட் ஆகி, ஷூட்டிங் போகாமல் வீட்டில் கிடக்கிறாரா? என்ன கொடுமை சார் இது!

பிபாஷா பாசு அறிவித்துள்ளபடி கணவர் கிடைக்க அவங்க தவமே பண்ண வேண்டியிருக்கும். அந்தக் கஷ்டம் எதுக்கு தாயி... ‘இப்பவே கிடைச்சதை லவ் பண்ணா, நிக்கலாம் சீக்கிரம் மணப்பெண்ணா!’

கிரிக்கெட்டில் சூதாட்டத்தை சட்டபூர்வமாக்கினால் அரசுக்கு வருமானம் கிடைக்கும். ஆனால், கிரிக்கெட் ரசிகனுக்கு..? கிரிக்கெட் வெற்றியை பாகிஸ்தானுக்கு எதிரான போர் வெற்றி போலவே கொண்டாடும் ரசிகன் என்ன அகால் துகால்னு நினைச்சீங்களா?

+2 முடித்திருக்கும் மாணவச் செல்வங்களுக்கு டைமிங் உதவியாய் எஞ்சினியரிங் படிக்க எது நல்ல கல்லூரி என்பது போன்ற தகவல்களை கல்வி ஸ்பெஷலாகத் தந்திருப்பது சிறந்த கல்விச் சேவை!
‘யமுனா’ படத்தில் ஹீரோ சத்யா பயத்திலும் வெட்கத்திலும் நிறைய டேக் எடுத்தாரா? ஹீரோயின் மேல இருக்குற பாசத்திலும் பற்றிலும் எடுத்தாரா? ஸ்டில்ஸ் பார்த்தா சந்தேகமா இருக்கு பாஸ்!

‘பரதேசி’ படத்துக்குக் காரணமான வால்பாறை இன்னும் அப்படியே இருப்பதும், அங்குள்ள மக்கள் வாழ வழியில்லாமல் வெளியேறுவதும் கொடுமையிலும் கொடுமை. இன்னமும் ‘செந்தேனீரில் பாதி கண்ணீர்தானா?’

பாலா பழனி தன் புகைப்படக் கண்காட்சி மூலம் புற்றுநோயாளிகளின் சிகிச்சைக்கு பெரும் தொண்டு செய்வது, அரிய பெரிய தெய்வப் பணிக்கு ஈடானது.