‘‘ஒரு புள்ளிவிவரம் அதிர்ச்சி அளிப்பதாக
உள்ளது மன்னா...’’
‘‘என்ன அமைச்சரே..?’’
‘‘நமது படைவீரர்களைக் காட்டிலும் அந்தப்புரப் பெண்களின் எண்ணிக்கை அதிகமாக இருக்கிறது..!’’

என்னதான் 100 கோடியில தமிழ்த்தாய்க்கு சிலை வச்சாலும், அதைப் பாக்குற குழந்தை ‘வாட் ஈஸ் திஸ் மம்மி’ன்னுதான் கேட்கும்.
- தமிழ்த்தாயின் எதிர்காலம் குறித்து தவிப்போர் சங்கம்

‘ஃபேஸ்புக்’னு சொல்றோம். அதைப் படிச்சி முடிச்சிட்டு பட்டாணிக் கடையில போட முடியுமா?
- ஓசி பேப்பரையும் படிச்சுட்டு எடைக்குப் போடுவோர் சங்கம்

‘‘தலைவர் தேவையில்லாத கேள்வியெல்லாம் கேக்குறார்...’’
‘‘அப்படி என்ன கேட்டுட்டார்?’’
‘‘நயன்தாரா அடுத்து யாரைக் காதலிப்பார்னு கேக்குறார்!’’

‘‘மேடையில தலைவர் பேசுறப்ப, மைக்குக்கு முன்னாடி எதுக்கு ஜெயில் கதவு மாதிரி கம்பி வச்சி டிசைன் பண்ணியிருக்காங்க..?’’
‘‘கம்பிக்குப் பின்னாடி நின்னு பேசிப் பேசியே பழக்கமாயிடுச்சாம்!’’

என்னதான் ஒருத்தர் டயட்னு சொல்லி கொஞ்சமா சாப்பிட்டாலும், விருந்துன்னு போனா வாழை இலையிலதான் சாப்பிடணும்; வெற்றிலையில சாப்பிட முடியாது!
- டயட் இருந்தே டயர்ட் ஆனோர் சங்கம்

‘‘எங்க வீட்ல திருடி முடிச்சதும், அப்படியே ஒரு நடை எதிர் வீட்டுக்கும் போயிட்டுப் போ...’’
‘‘எதுக்கு..?’’
‘‘இல்லாட்டி, ‘உங்க வீட்டுக்கு மட்டும் திருடன் வந்தானா’ன்னு அவன் பொறாமைப்படுவான்!’’