ஷீரடி பாபாவின் புனித சரிதம் படிக்கப் படிக்க மன அமைதியும், மகிழ்ச்சியும் கிடைக்கிறது. குங்குமம் இதழை வாங்கியவுடன் புத்தகத்தை வணங்கிவிட்டு தொடரைப் படிக்கிறேன்.

இல்லாத இடுப்பழகி இலியானா ரமணா ரீ-மேக்கில் இல்லாதது பாலிவுட்டுக்கே பலத்த இழப்பு. அட, போட்டோவுலயே இப்படி ‘கண் மூடித்தனமா’ இருந்தா எப்படி இலியானா? கண்ணைத் திறந்தா கதவும் திறக்கும்!

சனி பகவான் பற்றி இத்தனை விளக்கமாக சொல்லிய முனைவர் கே.பி.வித்யாதரனின் கட்டுரை முடிவுப் பகுதியாக இருந்தாலும் முக்கியமான பகுதியாக இருந்தது. சூரியன் பதிப்பகம் மூலம் ‘பிரச்னை தீர்க்கும் திருத்தலங்கள்’ தனிப்புத்தகத்தைப் புரட்ட ஆவலோடு உள்ளேன்!

‘நானும் சில்க் படம் எடுக்கிறேன்’ - வேலு பிரபாகரனின் பேட்டி, படு பரபரப்பு. அவர் சொல்வதைப் பார்த்தால், சில்க்கின் மரணம் திகில் கதைகளையே மிஞ்சி விடும் போலிருக்கிறதே!

சொந்த வீட்டுக் கனவோடு, ரியல் எஸ்டேட் முதலைகளின் வாயில் வலது காலை எடுத்து வைத்து விடுகிறார்கள் நடுத்தர வர்க்கத்தினர். அவர்களைப் பாதுகாக்கவேனும் மத்திய அரசின் ஒழுங்குமுறை ஆணையம் அவசியம்... அவசரம்!

பாம்பென்றால் படையும் நடுங்கும்... மல்லிகாவைக் கண்டால் பாம்பும் நடுங்கும். ஒரு படைக்குச் சமமான இந்த மல்லிகாவை பாம்பு ஆராய்ச்சிக்கு அரசு பயன்படுத்திக்கொள்ளலாமே?

ஐ.பி.எல் அணிகளின் எதிர்காலம் குறித்து கோழியூர் கோயிந்த சாமியின் பலன்கள் துல்லியமான கணிப்பு தலைவா! இதே ஜோரில் மனிதர் எங்கேயாவது ரூம் போட்டு ஜோசியம் பார்க்கத் தொடங்கினால், காசு கொட்டும் என்பது நிச்சயம்!

கேரக்டரை உணர்ந்து, உள்வாங்கி நடிப்பது ஒரு ரகம்; அனுபவத்தைக் கொண்டு நடிப்பது இரண்டாவது ரகம். காதல் தோல்வி தந்த அனுபவமே நயன்தாராவின் டான்ஸ் ஜொலிக்கக் காரணம்!

‘கோச்சடையான்’ ரஜினியின் சிக்ஸ் பேக் ஸ்டன்ட்டைப் பார்க்கவும் சொந்தக் குரல் பாடலைக் கேட்கவும் இப்போதே மனம் துடிக்கிறது. எதிர்பார்ப்பை எகிற வச்சுட்டீங்க பாஸ்!

சீனாவின் எல்லை மீறிய தொல்லையையும், அந்த டிராகன் தேசத்தால் போர் மூளும் அபாயம் உண்டு என்பதையும் உணர்த்திய கட்டுரை, எங்களை அதிர்ச்சியில் உறைய வைத்து விட்டது!