‘‘தலைவர் அடம் பண்றது சரியில்லை...’’
‘‘ஏன்... என்னாச்சு?’’
‘‘குழந்தைக்கு பேர் வைக்கச் சொன்னா, குழந்தையோட அம்மாவுக்கும் பேர் வைப்பேன்ங்கறார்..!’’

‘‘ஜாமீன்ல வெளியே வந்த நம்ம கட்சிக்காரங்களை எல்லாம் கூப்பிட்டு, தலைவர் என்ன கூட்டம் நடத்துறார்..?’’
‘‘செயல்வீரர்கள் கூட்டம் மாதிரி இது ‘ஜெயில் வீரர்கள்’ கூட்டமாம்..!’’

‘‘டாக்டர்... ஆபரேஷனைத் தவிர வேற வழியே இல்லையா?’’
‘‘இருக்கே... நீங்க ஆஸ்பத்திரிக்கு நன்கொடையா பணம் கொடுக்கலாம்..!’’

‘‘தலைவரை நடுரோட்டுல விட்டுட்டுப் போயிட்டாங்க...’’
‘‘கூட்டணி கட்சிக்காரங்களா..?’’
‘‘ம்ஹும்... கூட தண்ணி அடிச்சவங்க!’’

‘‘ஆபரேஷன்ல தையல் போட்ட இடத்துல ஏதோ எழுதி இருக்கீங்களே... என்ன டாக்டர் அது?’’
‘‘நீங்க தர வேண்டிய ஃபீஸ் பாக்கியை குறிச்சுருக்கேன்..!’’

‘‘தலைவருக்கு மட்டும் மாதா மாதம் தவறாம குற்றப்பத்திரிகை அனுப்பிடுறாங்களே... எப்படி?’’

‘‘தெரியாத்தனமா குற்றப்பத்திரிகைக்கு ஆண்டுச் சந்தா கட்டித் தொலைச்சிட்டாரு...’’

‘‘தலைவர் நல்லா ஏமாந்துட்டாரா... எப்படி?’’
‘‘நடிகை கையால ஜூஸ் கொடுத்து உண்ணா
விரதத்தை முடிச்சு வைப்போம்னு சொல்லிட்டு, ஒரு குழந்தை நட்சத்திரத்தை கூட்டிட்டு வந்துட்டாங்களாம்...’’