ஜூனியர்

சமீபத்தில் திரையரங்குகளில் வெளியான தெலுங்குப்படம், ‘ஜூனியர்’. இப்போது ‘அமேசான் ப்ரைமி’ல் காணக்கிடைக்கிறது. குழந்தைப் பருவத்திலிருந்து, பள்ளிப்படிப்பை முடிக்கும் வரை பெற்றோர்களின் கண்காணிப்பு வளையத்துக்குள்ளேயே இருந்ததால் ஒருவித சலிப்புக்குள்ளாகிறான், அபினவ். குறிப்பாக தனது அப்பாவிடமிருந்து கொஞ்சம் இடைவெளியை எதிர்பார்க்கிறான். 

இதற்காகவே தூரத்தில் இருக்கும் ஒரு எஞ்சினியரிங் கல்லூரியில் சேர்கிறான். அப்பாவிடமிருந்து விலகியிருப்பதற்கான வாய்ப்புகள் கிடைக்க, மகிழ்ச்சியில் தத்தளிக்கிறான். புது நண்பர்கள், பேராசிரியர்களுடனான பழக்கம் என அவனது உறவு வட்டம் விரிவடைகிறது. 

பயிற்சிக்காக ஒரு மென்பொருள் நிறுவனத்தில் சேர்கிறான் அபினவ். அந்த நிறுவனத்தின் முதலாளியின் மகள் விஜயாவுக்கும், அபினவ்வுக்கும் இடையில் பிரச்னைகள் ஏற்படுகின்றன. 

குழந்தைகளுடன் சேர்ந்து கலகலப்பான ஒரு படத்தைப் பார்க்க வேண்டுமா? உங்களுக்காகவே ‘நெட்பிளிக்ஸி’ல் வெளியாகியிருக்கிறது, ‘இஃப்’.சில வருடங்களுக்கு முன்பு சிறுமி பியாவின் அம்மா இறந்துவிடுகிறார். 

அம்மா சிகிச்சை பெற்றுவந்த மருத்துவமனையிலேயே இதய அறுவை சிகிச்சைக்காக அனுமதிக்கப்படுகிறார் அப்பா. இதன் காரணமாக நியூயார்க்கில் இருக்கும் பாட்டி வீட்டுக்கு வருகிறாள் பியா. 

சில வருடங்களுக்கு முன்பு திரையரங்குகளில் வெளியாகி, வசூலைக் குவித்த இந்திப்படம், ‘தடக்’. இதன் அடுத்த பாகம்தான் இது. ஆனால், முதல் பாகத்தின் தொடர்ச்சி அல்ல. இந்தப் படம் வேறொரு கதையைப் பேசுகிறது. 

இப்போது ‘நெட்பிளிக்ஸி’ல் பார்க்கலாம். மிகவும் பிற்படுத்தப்பட்ட பிரிவைச் சேர்ந்த இளைஞன், நீல். இட ஒதுக்கீட்டின் அடிப்படையில் புகழ்பெற்ற சட்டக்கல்லூரியில் படிப்பதற்கான இடம் கிடைக்கிறது. 

‘விதி’க்கும் நீலுக்கும் இடையில் நட்பு ரீதியான பழக்கம் ஏற்படுகிறது. சமூகத்தில் உயர் வகுப்பைச் சேர்ந்த, வசதியான குடும்பத்தில் பிறந்தவள், ‘விதி’. 

சமீபத்தில் திரையரங்குகளில் வெளியாகி வசூலைக் குவித்த மலையாளப்படம், ‘ஹிருதயபூர்வம்’. இப்போது தமிழ் டப்பிங்கில் ‘ஜியோ ஹாட்ஸ்டாரி’ல் காணக்கிடைக்கிறது. இதய மாற்று அறுவை சிகிச்சை வெற்றிகரமாக முடிந்து, உயிர் பிழைக்கிறார் சந்தீப் பாலகிருஷ்ணன். 

புனேவைச் சேர்ந்த கர்னல் ஒருவர் விபத்தில் மரணமடைகிறார். அவருடைய இதயம்தான் சந்தீப்பிற்குப் பொருத்தப்பட்டிருக்கிறது. அறுவை சிகிச்சை முடிந்த பிறகு ஓய்வில் இருக்கிறார் சந்தீப். அவரை ஜெர்ரி பார்த்துக்கொள்கிறார். இந்நிலையில் தன்னுடைய அப்பாவின் இதயம் பொருத்தப்பட்ட சந்தீப்பைக் காண வருகிறாள் கர்னலின் மகளான ஹரிதா. 

‘அடுத்த சில நாட்களில் எனக்கு நிச்சயதார்த்தம் நடக்கவிருக்கிறது. அதற்கு நீங்கள் வந்தால் அப்பா என்னுடன் இருப்பது போல இருக்கும்’ என்று சந்தீப்பிடம் வேண்டுகோள் விடுக்கிறாள் ஹரிதா. 

மறுக்கும் சந்தீப், பிறகு  ஒப்புக்கொள்கிறார். ஹரிதாவின் நிச்சயதார்த்தத்தில் கலந்துகொள்வதற்காக ஜெர்ரியுடன் சேர்ந்து புனே செல்கிறார் சந்தீப். 

ஹரிதாவின் வீட்டில் சில நாட்கள் தங்கும் சந்தீப்பின் வாழ்க்கையில் ஏற்படும் மாற்றங்களை நகைச்சுவையாகச் சொல்லிச் செல்கிறது திரைக்கதை.பீல் குட் படம் பார்க்க விரும்புகிறவர்களுக்கு நல்ல சாய்ஸ் இந்தப் படம். சந்தீப்பாக கலக்கியிருக்கிறார் மோகன்லால். இப்படத்தின் இயக்குநர் சத்யன் அந்திக்காடு.