‘குக்கூ’, ‘ஜோக்கர்’ போன்ற தரமான படைப்புகளால் தமிழ்  சினிமாவுக்கு பெருமை சேர்த்தவர் இயக்குநர் ராஜு முருகன். இவர் படங்கள் ரசிகர்களுக்கு ஆர்வத்தையும், சினிமா வியாபாரிகளுக்கு வசூலையும் கொடுக்கத் தவறியதில்லை. 

இப்போது சசிகுமார் நடிக்கும் ‘மை லார்ட்’ படத்தை இயக்கியுள்ளார். இதன் ஃபர்ஸ்ட் லுக்  போஸ்டரை இயக்குநர் அனுராக் காஷ்யப் வெளியிட்ட நிலையில், இறுதிக்கட்ட வேலையில் பிஸியாக இருந்த இயக்குநர் ராஜுமுருகனிடம் பேசினோம்.

இயல்பாகவே சசிகுமார் சார் மனித நேயம் உள்ளவர் என்ற பார்வை மக்கள் மத்தியில் இருக்கிறது. அது நடிகர் என்பதைத் தாண்டி மனிதாபிமானம் உள்ளவர் என்ற பார்வை. அதனால்தான் அவரால் ‘அயோத்தி’, ‘நந்தன்’, ‘டூரிஸ்ட் ஃபேமிலி’ போன்ற படங்களைச் செய்ய முடிந்தது. இதில் முத்து சிற்பி என்ற கதாபாத்திரத்தில் வர்றார். 

நாயகியாக கன்னட நடிகை சைத்ரா ஆச்சாரை அறிமுகம் செய்கிறோம். ‘சைடு ஏ சைடு பி’, ‘டோபி’ போன்ற படங்களில் அவருடைய நடிப்பு மிரட்டலாக இருந்துச்சு. பெங்களூருவில் ஒரு காபி ஷாப்பில் சந்திச்சு கதை சொன்னேன். கதை அவருக்கு பிடிச்சிருந்தது. 

பிஸி ஷெட்யூலில் இருந்ததால் அவரால் உடனே கால்ஷீட் கொடுக்க முடியவில்லை. ஆனால், ‘இந்தப் படத்தை மிஸ் பண்ண மாட்டேன். எப்படியாவது நான் கால்ஷீட் தருவேன்’ என விரும்பி வந்தார்.

சுசீலா என்ற கதாபாத்திரத்தில் கிராமத்துப் பெண்ணாகவே வாழ்ந்திருக்கிறார். இந்தப் படத்துக்காகவே தமிழ் கற்றுக் கொண்டார். அடிப்படையில் பாடகி என்பதால் மொழியை உடனடியாக அப்சர்வ் பண்ணினார். இளையராஜா சார் பாடல்களைப் பாடிப் பாடி தமிழ் கற்றுக் கொண்டார்‌ என்று கூட சொல்லலாம். 

குரு சோமசுந்தரம் முக்கியமான கேரக்டரில் வருகிறார். ‘ஜோக்கர்’ பண்ணியதால் அவருக்கும் எனக்குமான புரிதல் எப்போதும் உண்டு. அதுமட்டுமல்ல, நட்பை விட்டுவிடாமல் தொடர்ந்து பயணம் செய்து வருகிறோம். 

ஷூட்டிங் தொடங்குவதற்கு இரண்டு நாள் முன்புதான் கமிட் செய்தோம். உடனடியாக அந்த கேரக்டராகவே மாறினார். அவருடைய ஒவ்வொரு படத்திலும் அவருடைய அடையாளத்தைக் கண்டுபிடிக்க முடியாது. அது மாதிரிதான் இதிலும் இருக்கும். 

ஆஷா சரத் மையமான கதாபாத்திரத்தில் வர்றார். ‘பாபநாசம்’ படத்துல அவருடைய லுக், ஃபீல் பிடிச்சிருந்தது. அவர் இருந்தால் நல்லா இருக்கும்னு தோணுச்சு. துபாயில் வசித்து வருகிறார். கதை பிடிச்சு வந்தார்.இயக்குநர் கோபி நயினார் இருக்கிறார்.

மொத்த கதையில் கொஞ்ச நேரம் வந்தாலும் முக்கியமான கேரக்டர். ஜெயப்பிரகாஷ் சாருக்கு வித்தியாசமான வேடம்.நீரவ்ஷா பெரும்பாலும் பிரம்மாண்டமான படங்களில் மட்டுமே பணியாற்றும் ஒளிப்பதிவாளர். அவர் எப்படி இணைந்தார்?

தமிழ், தெலுங்கு என பல மொழிகளில் பிசியாக இருந்தாலும் இந்தப் படத்துக்காக தேதி ஒதுக்கி அர்ப்பணிப்போடு வேலை செய்தார்.  ஷான் ரோல்டன் இசையில் ‘ஜோக்கர்’, ‘மாடர்ன் லவ்’ ஆகியவற்றைத் தொடர்ந்து மூன்றாவது முறையா கைகோர்த்திருக்கேன். ரசிகர்கள் கொண்டாடுமளவுக்கு பிரமாதமான பாடல்கள்  கொடுத்துள்ளார். 

எடிட்டிங் சத்யராஜ்.‘ஜிப்ஸி’க்குப் பிறகு ஒலிம்பியா பிக்சர்ஸ் நிறுவனத்துக்கு இரண்டாவது படம் செய்கிறேன். தயாரிப்பாளர் அம்பேத்குமார் சார் பிரம்மாண்ட படைப்பாக உருவாக முழுச் சுதந்திரம் கொடுத்தார். ‘இட்லி கடை’யில் தனுஷுக்காக பாட்டு எழுதினீங்க. அவருக்காக எப்போது கதை எழுதப் போறீங்க?

சில விஷயங்கள் குறைவாகப் போய்ச் சேரும், சில விஷயங்கள் அதிகமாகப் போய்ச் சேரும். குறைவாக ஏன் போய் சேருகிறது என்றுதான் பார்க்க வேண்டும். ஃபிலிம் மேக்கிங்கில் என்ன குறை என்று ஆராய்ந்து பார்க்க வேண்டும்.

கருத்துகளுக்கும், ஆடியன்ஸுக்கான பொழுதுபோக்கு ரசனைக்குமான கலவை சரிசமமாக இருக்க வேண்டும். இயக்குநராக சமூகத்துக்கான கருத்தையும் சொல்ல வேண்டும், அதேசமயம் பார்வையாளர்களை திருப்திப் படுத்தவும் வேண்டும்.