கடந்த சில வருடங்களாகவே சுலபமாக மக்கும் துணிகளுக்கு அல்லது நிலைத்தன்மை கொண்ட துணிகளுக்கு இளைஞர்கள் ஆர்வம் காட்டத் துவங்கியிருக்கிறார்கள். காட்டன், லினன், மல்மல் போன்ற துணிகளில் உடைகள் டிசைன் செய்து கொள்வது அல்லது வாங்குவது அதிகரித்திருக்கிறது. 

எதிலும் மினிமலிசம் என்கிற எண்ணமும் அதிகரித்திருப்பதால் காஸ்மெட்டிக்ஸ் முதல் காஸ்ட்யூம்ஸ் வரை அத்தனையும் ராயல் ப்ளஸ் சிம்பிள் என மாறியிருக்கிறது. அதனால் பெண்கள் அதிகமாகவே காட்டன் அல்லது லினன் புடவைகள், கலம்காரி லெகங்காக்கள் என வாங்கத் துவங்கியிருக்கிறார்கள். 

நகைகளிலும் அதிகம் கட்டடக்கலை களை எடுத்துரைக்கும் வகையிலான கோயில்கள், கடவுள்கள் சார்ந்த நகைகள் இந்த வருடம் அதிகரித்திருக்கின்றன. குறிப்பாக கிருஷ்ணர், ராமர், சிவன் உள்ளிட்ட கடவுள்களின் அடிப்படையிலான நகை டிசைன் இந்த வருடம் எல்லா பிராண்ட் நகைகளிலும் பார்க்க முடிகிறது.

இவை தவிர லைட் வெயிட் நகைகள் கடந்த ஓரிரு வருடங்களாகவே டிரெண்டிங்கில் உள்ளன. ரோஸ் கோல்ட், ஒயிட் கோல்டு நகைகள் இளைஞர்களின் சாய்ஸ் ரகமாக விற்பனையில் புதிய உச்சத்தை தொட்டிருக்கின்றன.

ஏசி குளிர்விக்கும் அளவீட்டில் 16 டிகிரி வரையிலும் மட்டுமே இதற்கு முன்பு இருந்த நிலையில், துபாய் பாணி 12 டிகிரி குளிர்விக்கும் ஏசி மார்க்கெட்டில் புதிதாக களமிறங்கி இருக்கின்றது. 

நியர் மீ, கூப்பன் குருஜி, மேஜிக் பின் போன்ற செயலிகளை ஆன்லைன் ஷாப்பிங்கின் போது பயன்படுத்துங்கள். இவை ஆன்லைன் ஷாப்பிங்குகள் கொடுக்கும் சலுகைகளைத் தாண்டி மேலும் சில கூப்பன்களையும் சலுகை விலைகளையும் கொடுக்கும்.

 குறிப்பாக மேஜிக் பின், நியர் மீ உள்ளிட்ட செயலிகள் உங்கள் பகுதிகளில் உள்ள கடைகளில் பொருட்கள், உடைகள் வாங்கும் பொழுது அதில் இருக்கும் சலுகைகள் மற்றும் ஆஃபர்களையும் உங்களுக்கு நோட்டிஃபிகேஷன்களாகக் கொடுக்கும். 

இந்தச் செயலியிலேயே பணம் கட்டலாம். அதன் மூலமும் ஒரு சிறு தொகை சலுகை விலையாக கிடைக்கும் வசதிகளும் உள்ளன. இவைகளைத் தாண்டி கிரெடிட் கார்டுகளுக்கான சலுகைகள், வங்கி கொடுக்கும் சலுகைகள், UPI போன்ற டிஜிட்டல் பணப்பரிவர்த்தனை சலுகைகளும் இந்த வருடம் அதிகமாகவே கொடுக்கப்பட்டுள்ளன. 

அமேசான், ஃப்ளிப்கார்ட், மைன்ட்ரா, மீஷோ, நைகா, அஜியோ உள்ளிட்டவைதான் ஆன்லைன் ஷாப்பிங் வசதியில் நம்பகத்தன்மையுடன் இருக்கின்றன. குறிப்பாக கேன்சல் மற்றும் ரிட்டன் வசதிகள் இவைகளில் சுலபமாக இருக்கின்றன.