90களில் புகழ் பெற்ற இயக்குநராக கார்த்திக் நடித்த ‘அமரன்’, சிம்ரன் நடித்த ‘கோவில்பட்டி வீரலட்சுமி’ போன்ற படங்களை இயக்கியவர் கே.ராஜேஸ்வர். தற்போது இவருடைய மகன் விக்ரம் ராஜேஸ்வர் ‘சென்னை சிட்டி கேங்ஸ்டர்ஸ்’ படத்தின் வழியாக இயக்குநராகியுள்ளார். இதில் வைபவ் நாயகனாக நடித்துள்ளார்.

‘‘ஹீரோவும் அவருடைய நண்பர்களும் கொள்ளை அடிச்ச பணத்தைத் தொலைத்து விடுகிறார்கள். அந்தப் பணத்தை திருப்பித் தர வேண்டிய சூழ்நிலை வரும்போது ஹீரோவும் அவருடைய நண்பர்களும் என்ன முடிவு எடுக்கிறார்கள் என்பதை நகைச்சுவையாக சொல்லியுள்ளோம்...’’ புன்னகைக்கிறார் விக்ரம் ராஜேஸ்வர்.

நானும் வைபவும் நெருங்கிய நண்பர்கள். சேர்ந்து படம் பண்ணலாம் என்பது பல நாள் திட்டம். காமெடிப் படம் என்பதால் வைபவ் பொருத்தமாக இருந்தார். ஏனெனில் அது அவருடைய ஏரியா. அந்தவகையில் என்னுடைய முழு முதல் சாய்ஸ் அவர் மட்டுமே.

ஹீரோயின் அதுல்யா ரவி. தமிழ் பேசும் பெண்ணாக இருந்தால் பெட்டராக இருக்கும்னு நெனைச்சேன். படத்துல நிறைய ஆர்ட்டிஸ்ட் இருக்கிறார்கள். டைம் குறைவாகவே இருந்துச்சு. வேற மொழி பேசக் கூடியவர்களாக இருந்தால் ரீடேக் நிறையப் போகும். அந்தவகையில் அதுல்யாவிடமிருந்து  சிறந்த ஒத்துழைப்பு கிடைச்சது.