மசாகா

அதனால், தான் இரண்டாவதாக ஒரு திருமணம் செய்துகொண்டால், வீட்டில் பெண் இல்லை என்று யாருமே சொல்ல மாட்டார்கள். மகனுக்கும் சுலபமாக திருமணம் நடக்கும் என்று திட்டமிடுகிறார் ரமணா. கிருஷ்ணாவுக்கு மீரா என்ற பெண் மீது காதல் வருகிறது. ரமணாவும் யசோதாவின் மீது காதல் வயப்படுகிறார். 

இந்நிலையில் மீராவுக்கு யசோதா அத்தை என்று தெரிய வருகிறது. ரமணாவின் காதலும், அவரது மகன் காதலும் சேர்ந்ததா என்பதை நகைச்சுவையுடன் சொல்லியிருக்கிறது திரைக்கதை.ஜாலியான ஒரு படத்தைக் கொடுத்திருக்கிறார் இயக்குநர், திரிநாதா ராவ் நாக்கினா.

‘நெட்பிளிக்ஸி’ன் டாப் டிரெண்டிங் பட்டியலில் இடம்பிடித்திருக்கும் ஸ்பானிய மொழிப்படம், ‘பேட் இன்ப்ளூயன்ஸ்’. ஆங்கிலத்திலும் காணக்கிடைக்கிறது. பெரும் பணக்காரரின் மகள், ரீஸ். அவள் படிக்கும் பள்ளியில் பல பிரச்னைகளைச் சந்திக்கிறாள். 

சில மாணவர்கள் ரீஸுக்கு அடிக்கடி தொந்தரவு கொடுக்கின்றனர். இந்நிலையில் சிறையில் இருக்கும் எரோஸ் என்ற இளைஞனை வெளியில் எடுத்து, தனது மகளுக்குப் பாதுகாப்பாளனாக நியமிக்கிறார் அந்தப் பணக்காரர். தனது மகள் மீது காதலில் விழுந்துவிடக்கூடாது என்ற நிபந்தனையை ஏரோஸுக்கு விதிக்கிறார்.

ஆரம்பத்தில் தனக்கான பாதுகாப்பாளனை நியமித்திருப்பது ரீஸுக்குப் பிடிக்கவில்லை. தினமும் காரில் ரீஸைப் பள்ளியில் கொண்டு விடுவது, அவள் செல்லும் இடங்களுக்கு எல்லாம் உடன் செல்வது, திரும்பவும் வீட்டுக்கு அழைத்து வருவது என பல வேலைகளை எரோஸ் செய்கிறான். 

ஒரு விருந்து நிகழ்ச்சியில் ரீஸுக்கு எதிராக நடக்கும் நிகழ்வில் இருந்தும் காப்பாற்றுகிறான். ரீஸுக்கு எரோஸ் மீது ஈர்ப்பு ஏற்பட, சூடுபிடிக்கிறது திரைக்கதை. தமிழில் ரீமேக் செய்ய நல்ல சாய்ஸ் இந்தப் படம். இதன் இயக்குநர் கிளியோ வாலஸ்.