நீங்கள் இணையவாசியாக இருந்தால் ப்ரீத்தி முகுந்தன் அழகை ரசித்திருக்க மாட்டீர்கள் என்பதை நம்புவது கடினம். கவின் நடித்த ‘ஸ்டார்’, சாய் அபயங்கரின் ‘ஆச கூட...’ ஆல்பம் என ரசிகர்கள் மனதில் இடம் பிடித்தவர் ப்ரீத்தி. சென்னையில் பிறந்து திருச்சியில் வளர்ந்த இந்த அழகு மங்கை இப்போது நடிப்புக்காக சென்னையில் நங்கூரம் போட்டுள்ளார்.

நீங்கள் என்ஐடி மாணவி என்பதால் இந்தக் கேள்வி. படிப்பு விஷயத்தில் நீங்கள் புலியா? சினிமா நடிகையானது தற்செயலாக நடந்ததா அல்லது திட்டமிடப்பட்டதா?

நடிகையானது தற்செயல் என்று சொல்லலாம். எனக்கு மாடலிங் பிடிக்கும். அதற்கு காரணம் என்னுடைய ஃப்ரெண்ட்ஸ் எல்லோரும் ‘நீ மாடலா’ன்னு கேட்பாங்க. அதிலிருந்து மாடலிங் டிரை பண்ணினேன். மாடலிங்ல நல்ல வரவேற்பு கிடைச்சது. 

சில விளம்பரங்கள் பண்ணினேன். அதைப் பார்த்து சினிமா வாய்ப்பு வந்துச்சு.நிறையப் பேர் ஹீரோயினா நடிக்கிறீங்களான்னு கேட்டார்கள். நடித்தால் என்ன என்ற ஆர்வம் வந்துச்சு. ஆரம்பத்தில் நடிகையாகணும் என்ற திட்டம்  கிடையாது. இப்போது சினிமா என்னுடைய ப்ரொஃபஷனாக மாறியதால் முழுநேர நடிகையாக மாறிவிட்டேன்.

மாடலிங் நிறையப் பண்ணியிருக்கிறேன். சினிமா இண்டஸ்ட்ரி பற்றி பெரியளவில் எதுவும் தெரியாத நிலையில்தான் சினிமாவில் நடிக்க வந்தேன். முதன் முதலாக ‘ஸ்டார்’ வாய்ப்பு கிடைச்சதும் நடிப்பு என்றால் என்ன என்று தெரிஞ்சுக்கிட்டேன்.

மாடலிங் துறைக்கும், சினிமாவுக்கும் நிறையவே வித்தியாசம் உண்டு. மாடலிங் பொறுத்தவரை குறிப்பிட்ட தயாரிப்பை குறித்து நாலு டயலாக் சொல்லிவிட்டு க்யூட் எக்ஸ்பிரஷன் காண்பிப்பது அல்லது நளினமாக சில நடன அசைவுகள் கொடுத்தால் போதும்.

அந்த வகையில் ‘ஸ்டார்’ படத்துல நிறையவே கத்துக்கிட்டேன்.

இயக்குநர் இளன் சார் கேரக்டருக்கு ஏற்ப என்னை மோல்ட் பண்ணினார். ஆக்டிங் கோச் மாய கிருஷ்ணன் சப்போர்ட்டாக இருந்தார். அந்தப் படத்தில் நடிக்கும் போதுதான் சினிமா எடுப்பது எவ்வளவு கஷ்டம், அதில் பலருடைய உழைப்பு இருக்கிறது என்று தெரியவந்துச்சு.

டபுள் ஹீரோயின் படங்களில் தொடர்ந்து நடிக்கிறேன் என்று சொல்ல முடியாது. ‘ஸ்டார்‘, ‘இதயம் முரளி’ ஆகிய இரண்டு படங்களில்தான் டபுள் ஹீரோயின். தமிழில் இரண்டு படங்கள், தெலுங்கு, மலையாளம் என நான்கு படங்கள் செய்கிறேன். 

அது எல்லாமே சிங்கிள் ஹீரோயின் சப்ஜெக்ட்.டபுள் ஹீரோயின் சப்ஜெக்ட்டில் நடிப்பதில் எனக்குத் தயக்கம் கிடையாது. கதைக்குப் பொருத்தமான கேரக்டராக இருந்தால் கவலையில்லை. கதாபாத்திரத்துக்கு முக்கியத்துவம் இருக்கணும். மற்றபடி டபுள் ஹீரோயின், சிங்கிள் ஹீரோயின் என்று பிரித்துப் பார்க்கமாட்டேன். கதைக்கு முக்கியத்துவம் இருந்தால் டபுள் ஹீரோயின் படங்கள் பண்ண ரெடியாக இருக்கிறேன்.

என்னுடைய சினிமா பயணம் ‘ஓம் பீம் புஷ்’ என்ற தெலுங்கு படத்தில்  ஆரம்பிச்சது. அது சூப்பர் ஹிட்டாச்சு. அதன் பிறகு ‘கண்ணப்பா’. தெலுங்கு மக்கள் சினிமாவை கொண்டாடுபவர்கள் என்பதால் நல்ல வரவேற்பு கிடைச்சது. 

முதல் படத்தில் என்னுடைய ஸ்கிரீன் அப்பியரன்ஸ் கொஞ்சமாகத்தான் இருக்கும்.ஆனாலும் அங்குள்ள ரசிகர்கள் என்னை விரும்புகிறார்கள் என்று தெரிஞ்சது. சோஷியல் மீடியாவுல நிறைய மீம்ஸ் ஷேர் பண்ணினார்கள். என்னுடைய காட்சிகளை கட் பண்ணி இன்ஸ்ட்டாவுல போஸ்ட் பண்ணியிருந்தாங்க.

சாய் அபயங்கர் டீம்ல இருந்து கூப்பிட்டு பாடல் ப்ளே பண்ணினார்கள். கேட்டதும் சூப்பர் ஹிட்டாகும்ன்னு தோணுச்சு. அதன் டான்ஸ் மூவ்மெண்ட் எனக்குப் பிடிக்கும். ஸ்டைலிஷ்ஷாக இருக்கும். அந்தப் பாடல் உலகம் முழுவதும் சென்றடைந்ததில் சந்தோஷம். சாய் அபயங்கர் வரிசையா நிறைய ஹிட்ஸ் கொடுத்து வருகிறார்.

அவருக்கு என் வாழ்த்துகள். ‘ஸ்கூல்படி...’ மாதிரி இருவரும் செட்ல ஜாலியா ரகளை பண்ணுவோம். அந்த அனுபவம் மறக்க முடியாது.‘இதயம் முரளி’ டைட்டில் அறிவிப்பு வீடியோவில் ‘இனிமே நான் உன்னை லவ் பண்ணப்போறதில்ல’ன்னு உங்களிடம் தமன் சொல்லுவார். நிஜத்தில் அதுபோல் உங்களிடம் யாராவது சொல்லியிருக்கிறார்களா?