காஷ்மீரில் உள்ள பஹல்காம் பகுதியில் கடந்த ஏப்ரல் 22ம் தேதி நடைபெற்ற பயங்கரவாத தாக்குதலில் 26 பேர் உயிரிழந்தனர். குறிப்பாக புதிதாக திருமணமான தம்பதியரில் கணவர் இறந்து... மனைவி மொத்த வாழ்க்கையும் இழந்து... கணவரின் உடல் அருகில் அமர்ந்திருந்த புகைப்படம் நாட்டையே உலுக்கியது. 

இதற்குப் பதிலடி கொடுக்கும் வகையில் கடந்த 7ம் தேதி அதிகாலை இந்திய ராணுவம், பயங்கரவாதிகள் இருக்கும் 9 இடங்களை கண்டறிந்து கூடாரங்களைஅழித்தது. இதில் 90 பயங்கரவாதிகள் வரை கொல்லப்பட்டனர். கணவனை இழந்த பெண்ணின் அடையாளமாக இந்தப் போராட்டத்திற்கு ‘ஆபரேஷன் சிந்தூர்’ என இந்திய ராணுவம் பெயரிட்டது.

படிப்பை முடித்ததும் தன் அப்பா முகமது குரேஷி மற்றும் தாத்தா வழியில் இந்திய ராணுவ வேலையைத் தேர்ந்தெடுத்தார்.அவருடைய தாத்தாவும் ஒருவகையில் இந்திய ராணுவத்தில் மதபோதகராகவும் பணியாற்றியவர். சோஃபியாவின் கணவர் தஜூதின் பாகேவாடி. இவரும் ராணுவ அதிகாரியாக ஜான்சியில் வேலை  பார்க்கிறார்.

2019ம் ஆண்டு விமானப் படையின் ஹெலிகாப்டர் விமானியாக இணைந்த வியோமிகா, வானில் 2,500க்கும் அதிகமான மணி நேரம் பறந்து சாதனை படைத்துள்ளார்.ஜம்மு - காஷ்மீர் தொடங்கி இந்தியாவின் வடகிழக்கு மாநிலங்களில் உள்ள சவாலான நிலப்பரப்புகளில் ஹெலிகாப்டர்களை திறம்பட இயக்கிய பெருமைக்குரியவர் இவர்.

2020ம் ஆண்டு அருணாச்சல் பிரதேசத்தில் ஏற்பட்ட பனிப்பொழிவு மற்றும் வெள்ள காலத்தில் மக்களை மீட்கும் பணியில் முக்கிய பங்காற்றியவர். இந்தியாவின் உயர் ரக போர் விமானங்களான சேத்தக் மற்றும் சீட்டா ஹெலிகாப்டர்களை இயக்கிய முதல் பெண்ணும் இவர்தான்.