பெண்கள் ராக்கெட் ஏறி வேறு கிரகத்துக்கே சென்று திரும்பினாலும் இன்னமும் பெண்களை சுட்டிக்காட்டி குறை சொல்லும் பழக்கம் மட்டும் குறையவே இல்ல. அநியாயம் நடந்திருந்தா கூட குற்றவாளியை விட்டுட்டு அவளுடைய குணத்தைத்தான் சமூகம் குறை சொல்லும்.

ஒரு பொண்ணு தன்னுடைய வீட்டில் இருக்கும் பொழுது அங்கே அப்பாவுடைய  கட்டுப்பாடு, ஊருக்காக சீக்கிரம் திருமணம் செய்தாகணும்னு உறவுக்கார பையனுக்கே திருமணம் செய்து வைக்கிறாங்க. இது எந்த அளவுக்கு அவளுடைய வாழ்க்கையையும் லட்சியத்தையும் இடையூறு செய்யுது... அதை வேம்பு எப்படி எதிர்கொள்கிறார் என்பதுதான் கதை.

நாயகி ஷீலா. காத்திருந்து ‘திரௌபதி’, ‘மண்டேலா’... இப்படி அவங்களுக்கு முக்கியத்துவம் இருக்கிற கேரக்டராதான் செய்வாங்க. இந்தப் படமும்  அப்படிதான்.

எனக்கு சொந்த ஊர் தஞ்சாவூர் அருகே பூண்டி மாதா கோவில் கிராமம். படிச்சு முடிச்சுட்டு ஒரு தனியார் கம்பெனியில் வேலைக்கும் சேர்ந்தேன். சினிமா ஆசை மனசு பூரா. ஒரு நல்ல நாளா பார்த்து சென்னை வடபழனி வந்து சேர்ந்தேன். 

அசிஸ்டெண்ட் இயக்குநராக சில காலம், அப்புறம் நண்பர்கள் கூட இணைந்து ஷார்ட் ஃபிலிம் உருவாக்கம்... இப்படி போயிட்டே இருந்தது. ‘குப்பைக் காரன்’ என்கிற ஷார்ட் ஃபிலிம் டைரக்ட் செய்தேன். புனே சர்வதேச திரைப்பட விழாவில் இரண்டு விருதுகள், தொடர்ந்து ஒருசில திரைப்பட விழாக்களில் விருதுகள், பாராட்டுகள் கிடைச்சது.

இயக்குநர்கள் சீனு ராமசாமி, தங்கர் பச்சான்... என ஒரு பெரிய நட்சத்திரப் பட்டாளமே இணைந்து ஃபர்ஸ்ட் லுக் வெளியிட்டு இருக்காங்களே?

படத்துக்கு இசை மணிகண்டன் முரளி. பிரபல யூடியூப் சேனலில் வேலை செய்தவர். ‘அதோ முகம்’ படத்தில் இசையமைச்சிருக்கார். இந்தப் படத்தில் கிராமத்து ஸ்டைல் பாடல்களுக்காக டிராமா மற்றும் கூத்துக் கலைஞர்களைப் பயன்படுத்தியே பாடல்களை உருவாக்கியிருக்கார்.

டிராமாவில் பாடல்கள் எழுதும் ராணி அம்மா வரிகளையும் குரலையும் கூட பயன்படுத்தி ஒரு பாட்டு இருக்கு. கோல்டன் சுரேஷ் சார் மற்றும் விஜயலட்சுமி மேடம் சேர்ந்து இந்தப் படத்தை தயாரிச்சிருக்காங்க.சமூகத்துக்கு பயனுள்ள கருத்தை சொல்லணும் என்கிறதுக்காகவே உருவான கதைதான் ‘வேம்பு’. நிச்சயம் அதற்கு நியாயம் செய்யும்.