அராத்து பையனின் சக்சஸ் ஸ்டோரி !

‘கோட்’ வெற்றிக்குப் பிறகு ஏஜிஎஸ் நிறுவனம் தயாரித்துள்ள படம் ‘டிராகன்’. ‘லவ்டுடே’ பிரதீப் ரங்கநாதன் ஹீரோவாக நடிக்கும் படம் இது. இச்சினிமாவை இயக்குநர் அஸ்வத் மாரிமுத்து டைரக்ட் செய்திருக்கிறார். இவர் ‘ஓ மை கடவுளே’ படத்தை இயக்கியவர். ரிலீஸ் பிசியிலும் பொறுமையாக பேச ஆரம்பித்தார் அஸ்வத் மாரிமுத்து.

‘டிராகன்’ யார்?

காலேஜ் லைஃப்ல மொத்த கல்லூரியையும் கன்ட்ரோல் எடுத்த மாதிரி சீனியர் ஸ்டுடண்ட்னு ஒரு கேரக்டர் இருக்கும். அந்த ஸ்டூடண்ட்டை மொத்த காலேஜும் சேர்ந்து கொண்டாடும். திரும்பிய பக்கமெல்லலாம் அவனைப் பத்திதான் பேசுவாங்க. அந்தக் கேரக்டருடைய ஃப்ரெண்ட்ஷிப் கிடைக்காதா என்று பசங்களிடையே போட்டியே நடக்கும்.
ஏனெனில் காலேஜ்ல அவன்தான் கெத்து. டாக் ஆஃப் த காலேஜ்னு கூட சொல்லலாம்.

இந்தக் கொண்டாட்டம் எல்லாம் அவனுடைய அறத்துக்காக இல்லாம அவனுடைய அராத்துக்காக இருக்கும். நிறைய அரியர்ஸ் இருக்கும். பண்ணாத அட்டகாசம் கிடையாது. அந்த மாதிரி என்னுடைய ஹீரோ, அதான் சார்... நம்ம டிராகனுக்கு நாற்பத்தியெட்டு அரியர்ஸ் இருக்கும். காலேஜ்ல அவர்தான் கெத்து.ஆனால், இந்த மாதிரி பசங்க காலேஜை விட்டு வெளியே போனால் சீண்டுவதற்கு ஒருத்தர் இருக்கமாட்டார். அப்படியே மறந்துடுவாங்க.