திருநெல்வேலி என்றதும் முதலில் நெல்லையப்பர் கோயில்தான் அனைவரின் நினைவுகளிலும் நிழலாடும். இதற்கடுத்து பிரசித்தி பெற்றது தாமிரபரணி ஆற்றின் நடுவில் அமைந்துள்ள குறுக்குத்துறை முருகன் கோயில்! 

எப்போதெல்லாம் தாமிரபரணியில் வெள்ளம் பாய்ந்தோடுகிறதோ அப்போதெல்லாம் அனைத்து ஊடகங்களிலும் இந்தக் குறுக்குத்துறை முருகன் கோயிலே முதன்மையாகக் காட்டப்படும். அந்தவகையில் தமிழகத்திலுள்ள அனைவருக்கும் பரிச்சயமான கோயில் இது.   

ஆனால், இக்கோயில் 950 ஆண்டுகளுக்கு முற்பட்டது என்பதை நிரூபித்துள்ளனர் நெல்லை மனோன்மணியம் பல்கலைக்கழக தொல்லியல் துறை பேராசிரியர்களும், ஆய்வு மாணவி ஒருவரும்.

இதுகுறித்து மனோன்மணியம் சுந்தரனார் பல்கலைக்கழகத் தொல்லியல் துறைத் தலைவர் பேராசிரியர் சுதாகர் சிவசுப்பிரமணியத்திடம் பேசினோம். ‘‘முதல்ல இந்த ஆய்வு எப்படி ஆரம்பிச்சதுனு சொல்லிடுறேன். 

நான் மனோன்மணியம் சுந்தரனார் பல்கலைக்கழகத்துல பயோடெக்னாலஜி துறை பேராசிரியராக பணியாற்றுறேன். ஆரம்பத்துல மூலக்கூறு வைராலஜியில் பிஹெச்.டி முடிச்சிட்டு அமெரிக்காவில் பத்து ஆண்டுகள் வேலை செய்தேன். அப்புறம், 2007ம் ஆண்டில் இங்க பேராசிரியராக பணியில் சேர்ந்தேன்.

எனக்கு தொல்லியல் மீது அதீத ஈடுபாடு உண்டு. பல நாடுகளுக்கும், ஊர்களுக்கும் பயணிக்கிறப்ப தொல்லியல் இடங்களைப் பார்க்கிறதும், புரிஞ்சுக்க முயற்சி செய்றதுமாக இருந்தேன்.

காரணம், திருநெல்வேலி அருகே ஆதிச்சநல்லூர், சிவகளையில் அகழாய்வுகள் பெரிய அளவில் நடந்திட்டு வருவதுதான். அதனால், இந்த மையத்தைத் தொடங்கினார். நானும் விடுமுறை நாட்கள்ல என் ஊருக்குப் போகும்போது வழியில் உள்ள சிவகளைக்கும், ஆதிச்சநல்லூருக்கும் போயிட்டு போவேன். 

அதனால் இந்த மையத்திற்கு என்னை இயக்குனராக நியமிச்சார். இதன்பிறகு முனைவர் என்.சந்திரசேகர் துணைவேந்தராக வந்ததும் அவர் இதை ஒரு துறையாக ஆரம்பிப்போம்னு 2023ம் ஆண்டு எம்.ஏ. கோர்ஸுடன் தொல்லியல் துறையைத் தொடங்கினார்.  

இதுல நிறைய மாணவ - மாணவிகள் சேர்ந்தாங்க. என் ஆர்வத்தால் இந்தத் துறைக்கும் என்னையே தலைவராக நியமிச்சாங்க. இதுல இரண்டாமாண்டு படிக்கிற மாணவ - மாணவிகள் ஆராய்ச்சி மேற்கொள்ளணும். அப்பதான் மீனா என்கிற மாணவிக்கு அவள் வசிக்கிற பகுதியிலேயே ஒரு ஆய்வு செய்யும்விதமாக குறுக்குத்துறை கோயிலை பண்ணும்படி அறிவுறுத்தினேன்.

அதனால், நான் கோயிலை சுத்திப் பார்த்தேன். ஐம்பது முறையாவது சுத்தியிருப்பேன். ரொம்ப வித்தியாசமாக இருந்தது. எப்படி ஆற்றுக்கு நடுவுல இவ்வளவு நாட்கள் தாக்குப்பிடிச்சு இந்தக் கோயில் நிற்குதுனு ஒரு கேள்வி எழுந்தது. அப்ப அங்க 300 ஆண்டுகள் பழமையான கோயில்னு எழுதி வச்சிருந்தாங்க. 

ஆனா, எனக்கு இந்தக் கோயில் இன்னும் பழமையானதாக இருக்கும்னு மனசுல தோணுச்சு. அதனால், இதனை ஆய்வு பண்ணச் சொல்லி மாணவி மீனாவிடம் கொடுத்தேன். ஆரம்பத்துல அந்த மாணவிக்கும் இந்த ஆய்வு பிடிக்கல. பெரிய கோயிலாக எடுத்துப் பண்ணணும்னு ஆசைப்பட்டாங்க.

அப்புறம், கடைசியாக வெளிப்பிரகாரத்தில் ஒரு கல்வெட்டு கிடைச்சது. மாணவி மீனாதான் அந்தக் கல்வெட்டை கொண்டு வந்தாங்க. இங்குள்ள என் பேராசிரியர்கள் முருகன், மதிவாணன் ஆகியோர் அதை படிக்க உதவினாங்க. பிறகு எல்லோரும் சேர்ந்து எத்தனை ஆண்டுகள் பழமையானதுனு பார்த்தோம். 

அப்பதான் 950 ஆண்டுகள்னு தெரிஞ்சது. பிறகு, கோயில்ல ஆயிரம் ஆண்டுகளுக்கு முன்னாடி செதுக்கின தூண்கள் இருப்பதையும் கண்டுபிடிச்சோம். அதனால், ஆயிரம் ஆண்டுகள் பழமையானது என்பதை உறுதிப்படுத்தினோம். எப்படி ஆயிரம் ஆண்டுகளாக தண்ணீருக்கு நடுவே இருக்குதுனு யோசிச்சோம். வேறு எதுவும் கல்வெட்டு கிடைக்குமானு கோயிலை சுத்திச் சுத்தி வந்தோம்.

இந்த எண்கோணத்திற்கு அடுத்துள்ள வெளிப்புற சுவர் ஐங்கோணத்தால் ஆனது. இதில் பாறையை வெட்டி தூண் தூணாக செதுக்கியிருக்காங்க. இதற்கு அடுத்துள்ள வெளிச்சுவர் அறுகோணத்துல பண்ணியிருக்காங்க. இந்த அறுகோணம்தான் ரொம்ப வலுவானது. ஆற்றின் வெள்ளத்திலிருந்து கோயிலைக் காப்பாத்திட்டு வருவதும் இதுதான். 

அப்புறம், இந்தக் கோயிலின் பள்ளமான பகுதினா அது கருவறைதான். கருவறையும் ஆற்றின் மட்டமும் ஒன்றாக இருக்கு. ஆற்றில் நீர்வரத்து அதிகரிச்சால் கருவறைக்குள் தண்ணீர் வந்திடும்.

அதேநேரம் கோயில் முழுவதும் தண்ணீர் ஏறிநிற்கும். அந்தத் தண்ணீர் ஓடாது, உள்ளே தேங்கியிருக்கும். 

ஆக, ஆற்று வெள்ள அளவு மட்டமும், உள்ளே தேங்கி நிற்கும் தண்ணீரின் அளவும் ஒரே அளவில் இருக்கும். இந்நிலையில் கோயிலின் மொத்த எடை அதிகரிக்கும். இதனால், வெளியில் உள்ள வெள்ளத் தண்ணீரால் கோயிலை எதுவும் செய்யமுடியாது. அந்தக் காலத்திலேயே இவ்வளவு தொழில்நுட்பங்களையும் யோசிச்சு கோயிலை செதுக்கியிருக்காங்க.

அதேபோல், இந்தக் கோயில் அமைந்துள்ள குன்று சாதாரண கல் கிடையாது. ஒரு கிரானைட் குன்று. இந்த கிரானைட் கல்லின் கீழ்ப் பகுதியில் இன்டர்லாக்கிங் செய்திருக்காங்க. இதற்கு மேலே விமானம் அழுத்தி உட்கார்ந்திருக்கு. 

இதனால், கோயிலை அசைக்கமுடியாது. இதுவும் ஒரு தொழில்நுட்பம். இதுதவிர, இந்தக் கோயிலுக்கு மேற்கே இயற்கையாகவே ஒரு பெரிய குன்று இருக்கு. அதனை அனுமன் குன்றுனு சொல்றாங்க. வெள்ளம் அதிகம் வரும்போது இந்த அனுமன் குன்று தண்ணீரை மறைச்சு கொடுக்குது. இதையும் கவனத்தில் எடுத்து இந்தக் கோயில் குன்றினை தேர்ந்தெடுத்திருக்காங்க.

இது அதுக்கும் முன்னாடி இருந்திருக்கலாம் என்பதுதான் எங்கள் அனுமானம். வெளிப்பிரகாரத்திற்கு முன்னாடியே கருவறை வந்திருக்கும். அதனால், எங்கள் அனுமானத்தின்படி இந்தக் கோயில் 1,250 ஆண்டுகள் பழமையானதாக இருக்கும்னு நினைக்கிறோம். ஆனா, ஆதாரம் இல்ல. 

இதிலுள்ள பொறியியல் தொழில்நுட்பங்களை எல்லாம் மனோன்மணியம் சுந்தரனார் பல்கலைக்கழகத்தில் பணியாற்றும் ஸ்டாலின் என்கிற பொறியியலாளரை அழைச்சிட்டுப் போய் டீகோட் செய்தோம். அப்படியாக வெள்ளத்தைத் தாங்கி நிற்கும் குறுக்குத் துறை கோயிலின் ரகசியங்களை வெளிக்கொண்டு வந்திருக்கோம்...’’ என சந்தோஷமாகச் சொல்கிறார் பேராசிரியர் சுதாகர் சிவசுப்பிரமணியம்.

அப்பவே இது முந்நூறு ஆண்டுகள் இருக்காதுனு தோணுச்சு. ஏன்னா, பொதுவா கட்டடக்கலையில் சோழ, சேர, பாண்டியர் பாணிகள்னு இருக்கு. அப்படியாக சோழா கட்டடக்கலையும், பின்னாடி ஆண்ட பாண்டியர் கட்டடக்கலையும் கிடைச்சது. ஆனா, இதையும் உறுதியாகச் சொல்லமுடியாதுதான். 

ஏன்னா, பாண்டியர் காலத்தில் சோழா பாணி கட்டடக்கலையைப் பின்பற்றி இருக்கலாம்.இதனால், இன்னும் சீரியஸாக தேட ஆரம்பிச்சேன். அங்க 15 ஆற்றுமண்டபங்கள் இருக்குது. அங்கெல்லாம் தேடும்போது ஒரு மண்டபத்திற்கு அடியில் 950 ஆண்டுகளுக்கு முற்பட்ட ஒரு கல்வெட்டு கிடைச்சது.